रुळाला तडे गेल्यानं हार्बर रेल्वे विस्कळीत

मटा ऑनलाइन वृत्त । मुंबई

हार्बर रेल्वे मार्गावर रुळाला तडे गेल्यानं मुंबईच्या दिशेनं येणारी वाहतूक पूर्णपणे ठप्प झाली आहे. कार्यालय गाठण्याच्या वेळेतच हा प्रकार घडल्यानं प्रवाशांना मोठा फटका बसला आहे.

मानखुर्द व वाशी स्थानकांच्या दरम्यान वाशी खाडी पुलावरील रुळाला तडे गेल्याचं समजतं. या घटनेनंतर गेल्या तासाभरापासून अप मार्गावरील वाहतूक ठप्प आहे. रेल्वे प्रशासनानं तातडीनं रुळांच्या दुरस्तीचं काम हाती घेतलं आहे. मात्र, वाहतूक पूर्ववत होण्यास आणखी काही वेळ लागण्याची शक्यता आहे. Up harbour train services delayed due to Rail fracture between Vashi and Mankhurd from 0830 hrs. Work is on to resume services ASAP — Central Railway (@Central_Railway) April 24, 2017