मुंबई: काँग्रेसमधील अंतर्गत राजकारणाला कंटाळून पक्षातून बाहेर पडलेल्या अभिनेत्री उर्मिला मातोंडकर शिवसेनेच्या संपर्कात असून विधानसभा निवडणुकीच्या तोंडावर त्या शिवसेनेत प्रवेश करणार असल्याची जोरदार चर्चा सुरू होती. मात्र खुद्द उर्मिला यांनीच शिवसेना प्रवेशाचे वृत्त फेटाळून लावले आहे. मी कोणत्याही राजकीय पक्षात प्रवेश करणार नाही. त्यामुळे प्रसारमाध्यमांनी अफवांकडे दुर्लक्ष करावे, असे उर्मिला यांनी मंगळवारी स्पष्ट केले.
उर्मिला मातोंडकर यांनी शिवसेनेचे सचिव मिलिंद नार्वेकर यांच्याशी फोनवरून चर्चा केल्याने त्यांच्या शिवसेना प्रवेशाविषयीच्या बातम्या सर्वत्र पसरल्या. याविषयी नार्वेकर यांना विचारले असता, कोणतीही राजकीय चर्चा झालेली नसून ठाकरे कुटुंबीयांशी असलेल्या चांगल्या संबंधामुळे आमचे बोलणे झाले होते असे ते म्हणाले. यातून कोणताही राजकीय अर्थ काढला जाऊ नये, असेही त्यांनी सांगितले. मात्र त्यानंतरही उर्मिला यांच्या शिवसेना प्रवेशाची चर्चा थांबली नाही. मात्र त्यांनीच नंतर शिवसेना प्रवेशाच्या बातमीत तथ्य नसल्याचे म्हटले आहे.
उर्मिला मातोंडकर यांनी शिवसेनेचे सचिव मिलिंद नार्वेकर यांच्याशी फोनवरून चर्चा केल्याने त्यांच्या शिवसेना प्रवेशाविषयीच्या बातम्या सर्वत्र पसरल्या. याविषयी नार्वेकर यांना विचारले असता, कोणतीही राजकीय चर्चा झालेली नसून ठाकरे कुटुंबीयांशी असलेल्या चांगल्या संबंधामुळे आमचे बोलणे झाले होते असे ते म्हणाले. यातून कोणताही राजकीय अर्थ काढला जाऊ नये, असेही त्यांनी सांगितले. मात्र त्यानंतरही उर्मिला यांच्या शिवसेना प्रवेशाची चर्चा थांबली नाही. मात्र त्यांनीच नंतर शिवसेना प्रवेशाच्या बातमीत तथ्य नसल्याचे म्हटले आहे.