म. टा. विशेष प्रतिनिधी, मुंबई
करोनासंसर्गाच्या भीतीमुळे घर, दुकान, कार्यालये अशाच सर्वच ठिकाणी काळजी घेतली जात आहे. या सावधगिरीचा एक भाग म्हणून पालिकेच्या वरळी येथील 'जी दक्षिण' विभाग कार्यालयात आधुनिक तंत्रज्ञानाचा वापर करून विविध उपाययोजना करण्यात आल्या आहेत.
येथे तापमान मोजणीसाठी स्वयंचलित थर्मामीटर, हात धुण्यासाठी 'सेन्सर' व 'टायमर'वर आधारित सॅनिटायझर तसेच पिशव्या व फाइल निर्जंतुकीकरणासाठी यूव्ही तंत्रज्ञानाचा वापर, बेसिनच्या नळांना सेन्सर, पेडल ऑपरेटेड सोप डिस्पेन्सर, शौचालयांमध्ये स्वयंचलित सॅनिटायझर आणि कार्यालयाच्या आतील भागात विविध ठिकाणी ये-जा करताना दरवाजा पायाने ढकलावा अशा सूचना कर्मचारी व अभ्यागतांना देण्यात येत आहेत. दरवाजे पायाने ढकलण्यासाठी खालच्या मेटल स्ट्रीप बसवण्यात आली आहे.
प्रभादेवी, वरळी, महालक्ष्मी, लोअर परळ या परिसरांचा समावेश असणाऱ्या पालिकेच्या 'जी दक्षिण' विभागाची लोकसंख्या सुमारे तीन लाख ८९ हजार इतकी आहे. या कार्यालयात दररोज हजारो नागरिकांची ये-जा असते. करोनाच्या पार्श्वभूमीवर उपाययोजनांसाठी नवीन तंत्रज्ञानाचा स्वीकार प्रशासनाने केला आहे. यापूर्वी या कार्यालयातील लिफ्टमध्ये 'फूट ऑपरेटेड' तंत्रज्ञान बसवण्यात आले आहे. त्यानंतर आणखी एक प्रयोग करण्यात आला असून, यापैकी बहुतांश यंत्रांचे डिझाइन व निर्मिती पालिकेच्याच अभियंत्यांनी स्वतः पुढाकार घेऊन केली आहे.
या प्रतिबंधात्मक उपाययोजना समजावून घेण्यासाठी गेल्या काही दिवसांत अनेक कॉर्पोरेट कंपन्यांच्या व खासगी संस्थांच्या प्रतिनिधींनी या विभाग कार्यालयाला भेटी दिल्या. या उपक्रमांचे त्यांनी कौतुक करत त्यांच्याही कंपन्यांमध्ये या उपाययोजनांची अंमलबजावणी करणार असल्याचे अनेकांनी नमूद केले, अशी माहिती 'जी' दक्षिण विभागाचे सहाय्यक आयुक्त शरद उघडे यांनी दिली.
करोनासंसर्गाच्या भीतीमुळे घर, दुकान, कार्यालये अशाच सर्वच ठिकाणी काळजी घेतली जात आहे. या सावधगिरीचा एक भाग म्हणून पालिकेच्या वरळी येथील 'जी दक्षिण' विभाग कार्यालयात आधुनिक तंत्रज्ञानाचा वापर करून विविध उपाययोजना करण्यात आल्या आहेत.
येथे तापमान मोजणीसाठी स्वयंचलित थर्मामीटर, हात धुण्यासाठी 'सेन्सर' व 'टायमर'वर आधारित सॅनिटायझर तसेच पिशव्या व फाइल निर्जंतुकीकरणासाठी यूव्ही तंत्रज्ञानाचा वापर, बेसिनच्या नळांना सेन्सर, पेडल ऑपरेटेड सोप डिस्पेन्सर, शौचालयांमध्ये स्वयंचलित सॅनिटायझर आणि कार्यालयाच्या आतील भागात विविध ठिकाणी ये-जा करताना दरवाजा पायाने ढकलावा अशा सूचना कर्मचारी व अभ्यागतांना देण्यात येत आहेत. दरवाजे पायाने ढकलण्यासाठी खालच्या मेटल स्ट्रीप बसवण्यात आली आहे.
प्रभादेवी, वरळी, महालक्ष्मी, लोअर परळ या परिसरांचा समावेश असणाऱ्या पालिकेच्या 'जी दक्षिण' विभागाची लोकसंख्या सुमारे तीन लाख ८९ हजार इतकी आहे. या कार्यालयात दररोज हजारो नागरिकांची ये-जा असते. करोनाच्या पार्श्वभूमीवर उपाययोजनांसाठी नवीन तंत्रज्ञानाचा स्वीकार प्रशासनाने केला आहे. यापूर्वी या कार्यालयातील लिफ्टमध्ये 'फूट ऑपरेटेड' तंत्रज्ञान बसवण्यात आले आहे. त्यानंतर आणखी एक प्रयोग करण्यात आला असून, यापैकी बहुतांश यंत्रांचे डिझाइन व निर्मिती पालिकेच्याच अभियंत्यांनी स्वतः पुढाकार घेऊन केली आहे.
या प्रतिबंधात्मक उपाययोजना समजावून घेण्यासाठी गेल्या काही दिवसांत अनेक कॉर्पोरेट कंपन्यांच्या व खासगी संस्थांच्या प्रतिनिधींनी या विभाग कार्यालयाला भेटी दिल्या. या उपक्रमांचे त्यांनी कौतुक करत त्यांच्याही कंपन्यांमध्ये या उपाययोजनांची अंमलबजावणी करणार असल्याचे अनेकांनी नमूद केले, अशी माहिती 'जी' दक्षिण विभागाचे सहाय्यक आयुक्त शरद उघडे यांनी दिली.