म. टा. प्रतिनिधी, मुंबई
दिवंगत संगीतकार श्रीनिवास खळे यांच्या पत्नी वसुमती खळे (८६) यांचे शुक्रवारी वृद्धापकाळाने निधन झाले. कन्या संजीवनी यांच्या मिरा रोड येथील निवासस्थानी त्यांनी अखेरचा श्वास घेतला. चारकोप, मालाड येथे त्यांच्या पार्थिवावर शुक्रवारी संध्याकाळी अंत्यसंस्कार झाले.
अनवट संगीतरचना करणाऱ्या श्रीनिवास खळे यांना वसुमतीताईंची प्रोत्साहनपर साथ लाभली. प्रतिकूल परिस्थितीमुळे संगीतक्षेत्र सोडण्याचा विचार खळे यांच्या मनात आला होता. त्यावेळी 'संगीतक्षेत्र सोडणार असाल तर हार्मोनियम विकून विष घेऊन या, आपण दोघेही जीवन संपवून टाकू', असे सांगत त्यांनी खळे यांना त्यापासून परावृत्त केले होते.