वाहनकरासाठी ऑनलाइनचा पर्याय

मुंबई ः वाहनांचा कर सुलभ पद्धतीने भरता यावा यासाठी ताडदेव आरटीओत नवीन अत्याधुनिक प्रणाली सुरू करण्यात आली आहे. त्यात आरटीओ सारथी या प्रणालीच्या सहाय्याने ऑनलाइन पद्धतीने कर भरण्याची सुविधा असून अन्य सेवांचाही समावेश आहे.

ताडदेव आरटीओमध्ये सुरू झालेल्या प्रणालीसाठी लागणारे सर्व फॉर्म ‘आरटीओ’च्या वेबसाइटवरून योग्य प्रकारे अपलोड करण्याची सूचना करण्यात आली आहे. चुकीचे फॉर्म किंवा कागदपत्रे अपलोड केल्यास चाचणी रद्द होऊ शकते, असे ताडदेव ‘आरटीओ’कडून स्पष्ट करण्यात आले आहे.

त्याचबरोबर खासगी वाहनांसंबंधीचे सर्व कामकाज १९ एप्रिल पासून नवीन प्रणालीतून होणार आहे. सर्व वाहन चालक-मालकांनी १३ एप्रिलपासून वाहनाचा कर भरणा ई-पेमेंटद्वारे न करता ऑनलाइन पद्धतीने करावा, असे आवाहन करण्यात आले आहे.