म. टा. प्रतिनिधी, मुंबई
मराठी, हिंदी चित्रपट आणि मालिकांमध्ये आपल्या अभिनयाचा ठसा उमटवणारे ज्येष्ठ अभिनेते सुमंत मस्तकार यांचे (९६) वृद्धापकाळाने सोमवारी रात्री साडेआठ वाजता निधन झाले. त्यांच्या पार्थिवावर मंगळवारी सकाळी दहा वाजता सांताक्रूझ पूर्व येथील स्मशानभूमीत अंत्यसंस्कार करण्यात आले. त्यांच्या पश्चात दोन मुलगे आणि एक मुलगी असा परिवार आहे.
सुमंत मस्तकार यांनी केंद्र सरकारच्या पोस्ट आणि तार विभागात दीर्घ काळ नोकरी केली. सन १९८१ मध्ये नोकरीतून निवृत्त झाल्यानंतर त्यांनी पूर्णवेळ अभिनयाच्या क्षेत्रात काम करण्यास सुरुवात केली. छबिलदासच्या प्रायोगिक रंगभूमीपासून त्यांनी अभिनयाचा श्रीगणेशा केला. उद्ध्वस्त धर्मशाळा, पाहिजे जातीचे, ब्रम्हचारी, माझं काय चुकलं?, कार्य करविता, डॉक्टर तुम्हीसुद्धा? या नाटकांमधून तसेच शापित, पुढचं पाऊल, माळावरचं फुल, रात्र-आरंभ या मराठी चित्रपटांत त्यांनी कामे केली.
अंकुश या हिंदी चित्रपटातील भूमिकेमुळे त्यांना खूप लोकप्रियता मिळाली. माऊंटबॅटन द लास्ट व्हाइसरॉय या इंग्रजी चित्रपटात तसेच मिस्ट्रीज ऑफ डार्क जंगल या इटलीच्या चित्रपटासह सहा इंग्रजी सिनेमांमध्ये त्यांनी महत्त्वाच्या भूमिका केल्या. सचिन तेंडुलकरसोबत एका जाहिरातीतही त्यांनी काम केले आहे. एक शून्य शून्य, बंदिनी, शोध यासह ४२ मराठी मालिका व ३५ हिंदी मालिकांमध्येही त्यांनी आपल्या अभिनयाची छाप उमटवली. 'आयफा'सह इतर महत्त्वाच्या पुरस्कारांनी त्यांचा गौरव करण्यात आला आहे.
मराठी, हिंदी चित्रपट आणि मालिकांमध्ये आपल्या अभिनयाचा ठसा उमटवणारे ज्येष्ठ अभिनेते सुमंत मस्तकार यांचे (९६) वृद्धापकाळाने सोमवारी रात्री साडेआठ वाजता निधन झाले. त्यांच्या पार्थिवावर मंगळवारी सकाळी दहा वाजता सांताक्रूझ पूर्व येथील स्मशानभूमीत अंत्यसंस्कार करण्यात आले. त्यांच्या पश्चात दोन मुलगे आणि एक मुलगी असा परिवार आहे.
सुमंत मस्तकार यांनी केंद्र सरकारच्या पोस्ट आणि तार विभागात दीर्घ काळ नोकरी केली. सन १९८१ मध्ये नोकरीतून निवृत्त झाल्यानंतर त्यांनी पूर्णवेळ अभिनयाच्या क्षेत्रात काम करण्यास सुरुवात केली. छबिलदासच्या प्रायोगिक रंगभूमीपासून त्यांनी अभिनयाचा श्रीगणेशा केला. उद्ध्वस्त धर्मशाळा, पाहिजे जातीचे, ब्रम्हचारी, माझं काय चुकलं?, कार्य करविता, डॉक्टर तुम्हीसुद्धा? या नाटकांमधून तसेच शापित, पुढचं पाऊल, माळावरचं फुल, रात्र-आरंभ या मराठी चित्रपटांत त्यांनी कामे केली.
अंकुश या हिंदी चित्रपटातील भूमिकेमुळे त्यांना खूप लोकप्रियता मिळाली. माऊंटबॅटन द लास्ट व्हाइसरॉय या इंग्रजी चित्रपटात तसेच मिस्ट्रीज ऑफ डार्क जंगल या इटलीच्या चित्रपटासह सहा इंग्रजी सिनेमांमध्ये त्यांनी महत्त्वाच्या भूमिका केल्या. सचिन तेंडुलकरसोबत एका जाहिरातीतही त्यांनी काम केले आहे. एक शून्य शून्य, बंदिनी, शोध यासह ४२ मराठी मालिका व ३५ हिंदी मालिकांमध्येही त्यांनी आपल्या अभिनयाची छाप उमटवली. 'आयफा'सह इतर महत्त्वाच्या पुरस्कारांनी त्यांचा गौरव करण्यात आला आहे.