यशवंत नाट्यसंकुलात विजय तेंडुलकरांच्या छायाचित्राचे अनावरण
म. टा. प्रतिनिधी, मुंबई
आपल्या समर्थ लेखणीतून मराठी रंगभूमीचा चेहरामोहरा बदलून टाकणाऱ्या नाटककारांपैकी एक म्हणजे विजय तेंडुलकर. शनिवारी, विजय तेंडुलकर यांच्या दहाव्या स्मृती दिनाचे औचित्य साधून माटुंगा येथील यशवंत नाट्यसंकुलात त्यांच्या छायाचित्राचे सांस्कृतिक मंत्री विनोद तावडे यांच्या हस्ते अनावरण करण्यात आले.
स्वातंत्र्योत्तर मराठी रंगभूमीला वेगळे वळण देणारे प्रयोगशील नाट्यदिग्दर्शक दामू केंकरे आणि बालरंगभूमीचा आधारवड असणाऱ्या सुधा करमरकर यांच्या छायाचित्रांचेदेखील यावेळी संकुलात मानाने अनावरण करण्यात आले. अखिल भारतीय मराठी नाट्यपरिषदेच्या कार्यकारी मंडळाच्या पुढाकाराने या कार्यक्रमाला माजी नाट्य संमेलनाध्यक्ष जयंत सावरकर, ज्येष्ठ दिग्दर्शक डॉ. जब्बार पटेल यांच्यासह अरुण काकडे, विजय केंकरे, अरुण नलावडे, प्रतिमा कुलकर्णी, राजन भिसे, वैजयंती आपटे, मधुरा वेलणकर, मनवा नाईक, सिद्धार्थ जाधव आदी रंगकर्मी उपस्थित होते.
नाट्यपरिषद अध्यक्ष प्रसाद कांबळी यांनी उपस्थित रंगकर्मींशी संवाद साधताना सांगितले की, 'व्यावसायिक रंगभूमीसह प्रायोगिक आणि बालरंगभूमी सशक्त करण्यासाठी नाट्यपरिषद कार्यरत असणार आहे. नाट्यपरिषदेचे कार्यकारी मंडळ रंगभूमीवरील प्रश्न सोडवण्यास नेहमी प्रयत्नशील असेल.'
आठवणींना उजळा
माटुंगा येथील यशंवत संकुलाचे बांधकाम सुरू असताना विजय तेंडुलकर तसेच दिग्दर्शक दामू केंकरे यांनी तत्कालीन नाट्यपरिषदेच्या कार्यकारी मंडळावर मोर्चा काढला होता. नाट्यसंकुलात प्रायोगिक रंगभूमीसाठी विशेष राखीव जागा असावी, प्रायोगिक नाटकांसाठी संकुलात मिनी थिएटर असावे, अशी त्यांची मागणी होती. या मोर्चात डॉ. जब्बार पटेल हेही सहभागी होते. या आठवणीला जब्बार पटेल यांनी उजळा देतानाच, त्याबाबत पाठपुरावा करण्याची विनंती अध्यक्ष प्रसाद कांबळी आणि मंत्री तावडे यांना केली.
०००
'विजय तेंडुलकर, दामू केंकरे, सुधा करमरकर या मंडळींनी आपल्या कलेतून समाजाला वास्तव दाखवले. या व्यक्तिमत्वांचे कार्य असेच पुढे चालू ठेवण्यासाठी नाट्य परिषदेकडून विविध कार्यशाळा, महोत्सव तरुण वर्गासाठी आयोजित करायला हवीत, या कार्यात सरकारचा त्यांना नेहमीच पाठिंबा असेल,'
-सांस्कृतिक कार्यमंत्री, विनोद तावडे
म. टा. प्रतिनिधी, मुंबई
आपल्या समर्थ लेखणीतून मराठी रंगभूमीचा चेहरामोहरा बदलून टाकणाऱ्या नाटककारांपैकी एक म्हणजे विजय तेंडुलकर. शनिवारी, विजय तेंडुलकर यांच्या दहाव्या स्मृती दिनाचे औचित्य साधून माटुंगा येथील यशवंत नाट्यसंकुलात त्यांच्या छायाचित्राचे सांस्कृतिक मंत्री विनोद तावडे यांच्या हस्ते अनावरण करण्यात आले.
स्वातंत्र्योत्तर मराठी रंगभूमीला वेगळे वळण देणारे प्रयोगशील नाट्यदिग्दर्शक दामू केंकरे आणि बालरंगभूमीचा आधारवड असणाऱ्या सुधा करमरकर यांच्या छायाचित्रांचेदेखील यावेळी संकुलात मानाने अनावरण करण्यात आले. अखिल भारतीय मराठी नाट्यपरिषदेच्या कार्यकारी मंडळाच्या पुढाकाराने या कार्यक्रमाला माजी नाट्य संमेलनाध्यक्ष जयंत सावरकर, ज्येष्ठ दिग्दर्शक डॉ. जब्बार पटेल यांच्यासह अरुण काकडे, विजय केंकरे, अरुण नलावडे, प्रतिमा कुलकर्णी, राजन भिसे, वैजयंती आपटे, मधुरा वेलणकर, मनवा नाईक, सिद्धार्थ जाधव आदी रंगकर्मी उपस्थित होते.
नाट्यपरिषद अध्यक्ष प्रसाद कांबळी यांनी उपस्थित रंगकर्मींशी संवाद साधताना सांगितले की, 'व्यावसायिक रंगभूमीसह प्रायोगिक आणि बालरंगभूमी सशक्त करण्यासाठी नाट्यपरिषद कार्यरत असणार आहे. नाट्यपरिषदेचे कार्यकारी मंडळ रंगभूमीवरील प्रश्न सोडवण्यास नेहमी प्रयत्नशील असेल.'
आठवणींना उजळा
माटुंगा येथील यशंवत संकुलाचे बांधकाम सुरू असताना विजय तेंडुलकर तसेच दिग्दर्शक दामू केंकरे यांनी तत्कालीन नाट्यपरिषदेच्या कार्यकारी मंडळावर मोर्चा काढला होता. नाट्यसंकुलात प्रायोगिक रंगभूमीसाठी विशेष राखीव जागा असावी, प्रायोगिक नाटकांसाठी संकुलात मिनी थिएटर असावे, अशी त्यांची मागणी होती. या मोर्चात डॉ. जब्बार पटेल हेही सहभागी होते. या आठवणीला जब्बार पटेल यांनी उजळा देतानाच, त्याबाबत पाठपुरावा करण्याची विनंती अध्यक्ष प्रसाद कांबळी आणि मंत्री तावडे यांना केली.
०००
'विजय तेंडुलकर, दामू केंकरे, सुधा करमरकर या मंडळींनी आपल्या कलेतून समाजाला वास्तव दाखवले. या व्यक्तिमत्वांचे कार्य असेच पुढे चालू ठेवण्यासाठी नाट्य परिषदेकडून विविध कार्यशाळा, महोत्सव तरुण वर्गासाठी आयोजित करायला हवीत, या कार्यात सरकारचा त्यांना नेहमीच पाठिंबा असेल,'
-सांस्कृतिक कार्यमंत्री, विनोद तावडे