म. टा. प्रतिनिधी, मुंबई बहुप्रलंबित प्रकल्पांपैकी एक असलेल्या व्हेईकल ट्रॅकिंग सिस्टिम अर्थात व्हीटीएस प्रकल्पाच्या लोकार्पणाचा मार्ग मोकळा झाला आहे. राज्यात आचारसंहिता लागू होण्यापूर्वी एसटी महामंडळातील लोकोपयोगी प्रकल्प मार्गी लावण्याचे आदेश वरिष्ठांकडून देण्यात आल्याने येत्या आठवड्यात या प्रकल्पाचे लोकार्पण होण्याची शक्यता अधिकाऱ्यांनी वर्तवली आहे.
सार्वजनिक सेवा पुरवणाऱ्या वाहनांमध्ये व्हीटीएस अनिवार्य आहे. अनेक वर्षांपासून रखडलेला हा प्रकल्प कार्यान्वित झाल्यास एसटी येण्याच्या दहा मिनिटे आधी प्रवाशांना मोबाइल फोन अॅपद्वारे सूचना मिळेल. सद्यस्थितीत मोबाइल अॅप आणि व्हीटीएस यंत्रणेतील तांत्रिक अडचणी दूर झाल्याने येत्या आठवड्यात या सुविधेचा लाभ प्रवाशांना घेता येईल. महामंडळाने नुकतीच या प्रकल्पांची चाचणी नाशिक विभागात यशस्वीपणे घेतली होती. नाशिकसह मुंबई, पुणे, ठाणे या विभागांत ही सुविधा राबवण्यात येईल. या प्रकल्पांतर्गत एसटीची 'रिअल' वेळेत माहिती मिळावी यासाठी मोबाइल अॅपही प्रवाशांना उपलब्ध होणार असून, या प्रकल्पाचे लोकार्पण येत्या आठवड्यात होण्याचे संकेत एसटीतील अधिकाऱ्यांनी दिले.
मुंबईसह नाशिक, पुणे या विभागातील एसटींमध्ये प्रायोगिक तत्त्वावर ही सुविधा सुरू करण्यात येईल. यानंतर टप्प्याटप्प्याने संपूर्ण राज्यातील बसगाड्यांमध्ये हा प्रकल्प राबवण्यात येणार असल्याचे एसटी अधिकाऱ्यांनी स्पष्ट केले. एसटी कुठे आहे? ती कधी येणार? या प्रश्नांची प्रवाशांना अचूक उत्तरे, चालकांच्या मनमानी कारभाराला चाप, डिजिटायझेशनकडे जाणाऱ्या एसटीचा मोलाचा टप्पा असे लाभ या प्रकल्पांमुळे प्रवाशांसह महामंडळाला मिळणार आहेत. केवळ मोबाइलमध्येच नव्हे तर स्थानकातील उद्घोषणा यंत्रणेद्वारेही एसटीच्या विलंबाची माहिती देण्यासाठी हा प्रकल्प महत्त्वाचा ठरणार आहे.
'प्रकल्प मार्गी लावा'
एसटी महामंडळातील व्हीटीएस प्रकल्प, जेनेरिक प्रकल्प, स्थानकांतील सुरक्षिततेसाठी सीसीटीव्ही, नवीन एसटींचा समावेश असे अनेक लोकोपयोगी प्रकल्प विविध कारणांमुळे रखडले आहेत. या प्रकल्पांची आढावा बैठक नुकतीच महामंडळात पार पडली. आगामी निवडणुकीची आचारसंहिता लागू होण्यापूर्वी सर्व प्रकल्प मार्गी लावण्याचे आदेश या बैठकीत वरिष्ठांकडून देण्यात आल्याचे एसटी अधिकाऱ्यांनी सांगितले.
सार्वजनिक सेवा पुरवणाऱ्या वाहनांमध्ये व्हीटीएस अनिवार्य आहे. अनेक वर्षांपासून रखडलेला हा प्रकल्प कार्यान्वित झाल्यास एसटी येण्याच्या दहा मिनिटे आधी प्रवाशांना मोबाइल फोन अॅपद्वारे सूचना मिळेल. सद्यस्थितीत मोबाइल अॅप आणि व्हीटीएस यंत्रणेतील तांत्रिक अडचणी दूर झाल्याने येत्या आठवड्यात या सुविधेचा लाभ प्रवाशांना घेता येईल. महामंडळाने नुकतीच या प्रकल्पांची चाचणी नाशिक विभागात यशस्वीपणे घेतली होती. नाशिकसह मुंबई, पुणे, ठाणे या विभागांत ही सुविधा राबवण्यात येईल. या प्रकल्पांतर्गत एसटीची 'रिअल' वेळेत माहिती मिळावी यासाठी मोबाइल अॅपही प्रवाशांना उपलब्ध होणार असून, या प्रकल्पाचे लोकार्पण येत्या आठवड्यात होण्याचे संकेत एसटीतील अधिकाऱ्यांनी दिले.
मुंबईसह नाशिक, पुणे या विभागातील एसटींमध्ये प्रायोगिक तत्त्वावर ही सुविधा सुरू करण्यात येईल. यानंतर टप्प्याटप्प्याने संपूर्ण राज्यातील बसगाड्यांमध्ये हा प्रकल्प राबवण्यात येणार असल्याचे एसटी अधिकाऱ्यांनी स्पष्ट केले. एसटी कुठे आहे? ती कधी येणार? या प्रश्नांची प्रवाशांना अचूक उत्तरे, चालकांच्या मनमानी कारभाराला चाप, डिजिटायझेशनकडे जाणाऱ्या एसटीचा मोलाचा टप्पा असे लाभ या प्रकल्पांमुळे प्रवाशांसह महामंडळाला मिळणार आहेत. केवळ मोबाइलमध्येच नव्हे तर स्थानकातील उद्घोषणा यंत्रणेद्वारेही एसटीच्या विलंबाची माहिती देण्यासाठी हा प्रकल्प महत्त्वाचा ठरणार आहे.
'प्रकल्प मार्गी लावा'
एसटी महामंडळातील व्हीटीएस प्रकल्प, जेनेरिक प्रकल्प, स्थानकांतील सुरक्षिततेसाठी सीसीटीव्ही, नवीन एसटींचा समावेश असे अनेक लोकोपयोगी प्रकल्प विविध कारणांमुळे रखडले आहेत. या प्रकल्पांची आढावा बैठक नुकतीच महामंडळात पार पडली. आगामी निवडणुकीची आचारसंहिता लागू होण्यापूर्वी सर्व प्रकल्प मार्गी लावण्याचे आदेश या बैठकीत वरिष्ठांकडून देण्यात आल्याचे एसटी अधिकाऱ्यांनी सांगितले.