मुंबई, ठाण्याला पुढील इतके दिवस मुसळधार पावसाचा इशारा; ऑरेंज अलर्ट आणि...

मुंबई : मुंबईत गेले काही दिवस पावसाने विश्रांती घेतली होती. पण आता श्रावण सुरू होताच पावसाचे पुनरागमन झाले आहे. मुंबईत रविवारी बऱ्याच ठिकाणी मुसळधार पावसाने हजेरी लावली. हवामान विभागाने पुढील पाच दिवसाचा अंदाज दिली आहे. यात हवामान विभागाने मुंबईला ऑरेंज अलर्ट जारी केला आहे. मुंबईसह ठाणे आणि पालघरलाही ऑरेंज अलर्ट दिला आहे.

काही ठिकाणी मुसळधार ते अतिमुसळधार पावसाचा इशारा हवामान विभागाने दिला आहे. हवामान विभागाने मच्छिमारांनाही इशारा दिला आहे. मच्छिमारांनी खोल समुद्रात जाऊ नये. आज आणि उद्या म्हणजे ९ ऑगस्टपर्यंत समुद्रात मच्छिमारीसाठी जाऊ नये, असा इशारा हवामान विभागाने दिला आहे.

पुढील चार दिवस धोक्याचे; आजपासून 'या' जिल्ह्यांना अतिमुसळधार पावसाचा इशारा

उत्तर केरळपासून ते दक्षिण महाराष्ट्रात हवामान विभागाने जोरदार पावसाचा अंदाज वर्तवला आहे. किनारपट्टी भागात हा पावसाचा इशारा दिला आहे. बंगालचा उपसागर, आंध्र प्रदेश आणि मध्य कर्नाटक या भागात चक्रिय वाऱ्यांची स्थिती आहे. तसंच कमी दाबाचा पट्टा तयार झाल्याची माहिती हवामान विभागाने दिली आहे.

कोल्हापूर जिल्ह्याला ऑरेंज अलर्ट, पंचगंगेची पातळी वाढली; करूळ घाटात संरक्षक भिंत खचली