गारेगार प्रवासात घ्या मनोरंजनाचा आनंद
'चर्चगेट ते विरार' या दीड तासांच्या वातानुकूलित (एसी) धावत्या लोकलमध्ये मुंबईकरांना लवकरच मनोरंजनाचे विविध पर्याय उपलब्ध होणार आहेत. पश्चिम रेल्वेच्या वातानुकूलित लोकलसह राजधानी आणि मध्य रेल्वेच्या एसी सुपरफास्ट एक्स्प्रेसमध्ये वाय-फाय कार्यान्वित करण्याचा निर्णय घेतला आहे.
महाराष्ट्र टाइम्स 28 Feb 2020, 5:30 am
म. टा. प्रतिनिधी, मुंबई
'चर्चगेट ते विरार' या दीड तासांच्या वातानुकूलित (एसी) धावत्या लोकलमध्ये मुंबईकरांना लवकरच मनोरंजनाचे विविध पर्याय उपलब्ध होणार आहेत. पश्चिम रेल्वेच्या वातानुकूलित लोकलसह राजधानी आणि मध्य रेल्वेच्या एसी सुपरफास्ट एक्स्प्रेसमध्ये वाय-फाय कार्यान्वित करण्याचा निर्णय घेतला आहे. ट्रेनमधील वायफायची जोडणी करून प्रवाशांना या सुविधेचा मोफत लाभ घेता येईल. येत्या महिनाभरात मुंबईकरांसाठी ही सुविधा उपलब्ध होणार आहे.
धावपळीचे आयुष्य, त्यात विस्तारित शहरांमुळे प्रवासाचा वाढलेला वेळ, अशी मुंबईकरांची स्थिती आहे. यामुळे मनोरंजनाला फाटा द्यावा लागतो. मोफत वाय-फायमध्ये प्रसिद्ध चित्रपटांसह वाहिन्यांवरील दर्जेदार मालिका, संगीत-गाणे या पर्यायांचाही समावेश आहे. बहुभाषिक मनोरंजनाचे विविध कार्यक्रमही प्रवाशांना प्रवासात पाहता येतील.
'कंटेन्ट ऑन डिमांड' या उपक्रमांतर्गत रेल्वेत प्रवाशांना मोफत वाय-फायच्या माध्यमातून मनोरंजनासाठी विविध पर्याय उपलब्ध करून देण्यात येणार आहे. लवकरच त्याची चाचणी प्रमुख गाड्यांमध्ये होईल, असे पश्चिम रेल्वेचे विभागीय रेल्वे व्यवस्थापक जे.व्ही.एल. सत्यकुमार यांनी सांगितले.
पहिल्या टप्प्यात ४ ट्रेनमध्ये याची चाचणी घेण्यात येईल. यात एसी लोकल, मुंबई सेंट्रल-दिल्ली राजधानी, ऑगस्ट क्रांती राजधानी आणि चेन्नई एक्स्प्रेस यांचा समावेश असणार आहे. पहिला टप्पा आगामी ४५ ते ६० दिवसांत पूर्ण होईल, असा विश्वास रेल्वे अधिकाऱ्यांनी व्यक्त केला.
दुसऱ्या आणि तिसऱ्या टप्प्यात २५ टक्के आणि शेवटच्या टप्प्यात ५० टक्के गाड्यांमध्ये ही सुविधा उपलब्ध होईल. बफरमुक्त आणि उच्च दर्जाच्या व्हिडीओचा अनुभव मिळावा, यासाठी मेल-एक्स्प्रेसच्या दोन डब्यांमध्ये एक आणि लोकलच्या तीन डब्यांमध्ये एक सर्व्हर कार्यान्वित केले जातील. या सर्व्हरची जोडणी रेलटेलमधील मुख्य सर्व्हरला असेल. प्रवाशांच्या मागणीचा आढावा घेत मनोरंजनाच्या पर्यायांत बदल करण्यात येतील. जुलै २०१९मध्ये रेल्वे मंत्रालयाने रेलटेल कंपनीला सर्व उपनगरीय लोकल-मेल एक्स्प्रेसमध्ये मोफत वाय-फाय पुरवण्याच्या सूचना केल्या. त्यानूसार निविदा प्रक्रिया पूर्ण करण्यात आली आहे. चार टप्प्यांत पूर्ण रेल्वेमध्ये मोफत वाय-फाय सेवा सुरू करण्यात येईल, असे प्रकल्प राबवणाऱ्या रेल्वे अधिकाऱ्यांनी स्पष्ट केले.
'चर्चगेट ते विरार' या दीड तासांच्या वातानुकूलित (एसी) धावत्या लोकलमध्ये मुंबईकरांना लवकरच मनोरंजनाचे विविध पर्याय उपलब्ध होणार आहेत. पश्चिम रेल्वेच्या वातानुकूलित लोकलसह राजधानी आणि मध्य रेल्वेच्या एसी सुपरफास्ट एक्स्प्रेसमध्ये वाय-फाय कार्यान्वित करण्याचा निर्णय घेतला आहे. ट्रेनमधील वायफायची जोडणी करून प्रवाशांना या सुविधेचा मोफत लाभ घेता येईल. येत्या महिनाभरात मुंबईकरांसाठी ही सुविधा उपलब्ध होणार आहे.
धावपळीचे आयुष्य, त्यात विस्तारित शहरांमुळे प्रवासाचा वाढलेला वेळ, अशी मुंबईकरांची स्थिती आहे. यामुळे मनोरंजनाला फाटा द्यावा लागतो. मोफत वाय-फायमध्ये प्रसिद्ध चित्रपटांसह वाहिन्यांवरील दर्जेदार मालिका, संगीत-गाणे या पर्यायांचाही समावेश आहे. बहुभाषिक मनोरंजनाचे विविध कार्यक्रमही प्रवाशांना प्रवासात पाहता येतील.
'कंटेन्ट ऑन डिमांड' या उपक्रमांतर्गत रेल्वेत प्रवाशांना मोफत वाय-फायच्या माध्यमातून मनोरंजनासाठी विविध पर्याय उपलब्ध करून देण्यात येणार आहे. लवकरच त्याची चाचणी प्रमुख गाड्यांमध्ये होईल, असे पश्चिम रेल्वेचे विभागीय रेल्वे व्यवस्थापक जे.व्ही.एल. सत्यकुमार यांनी सांगितले.
पहिल्या टप्प्यात ४ ट्रेनमध्ये याची चाचणी घेण्यात येईल. यात एसी लोकल, मुंबई सेंट्रल-दिल्ली राजधानी, ऑगस्ट क्रांती राजधानी आणि चेन्नई एक्स्प्रेस यांचा समावेश असणार आहे. पहिला टप्पा आगामी ४५ ते ६० दिवसांत पूर्ण होईल, असा विश्वास रेल्वे अधिकाऱ्यांनी व्यक्त केला.
दुसऱ्या आणि तिसऱ्या टप्प्यात २५ टक्के आणि शेवटच्या टप्प्यात ५० टक्के गाड्यांमध्ये ही सुविधा उपलब्ध होईल. बफरमुक्त आणि उच्च दर्जाच्या व्हिडीओचा अनुभव मिळावा, यासाठी मेल-एक्स्प्रेसच्या दोन डब्यांमध्ये एक आणि लोकलच्या तीन डब्यांमध्ये एक सर्व्हर कार्यान्वित केले जातील. या सर्व्हरची जोडणी रेलटेलमधील मुख्य सर्व्हरला असेल. प्रवाशांच्या मागणीचा आढावा घेत मनोरंजनाच्या पर्यायांत बदल करण्यात येतील. जुलै २०१९मध्ये रेल्वे मंत्रालयाने रेलटेल कंपनीला सर्व उपनगरीय लोकल-मेल एक्स्प्रेसमध्ये मोफत वाय-फाय पुरवण्याच्या सूचना केल्या. त्यानूसार निविदा प्रक्रिया पूर्ण करण्यात आली आहे. चार टप्प्यांत पूर्ण रेल्वेमध्ये मोफत वाय-फाय सेवा सुरू करण्यात येईल, असे प्रकल्प राबवणाऱ्या रेल्वे अधिकाऱ्यांनी स्पष्ट केले.