मुंबई: आयआयटी मुंबईतील एका विद्यार्थ्याला वळूने धडक दिल्याची घटना ताजी असतानाच आता आयआयटीच्या एका वर्गात लेक्चर सुरू असताना अचानक मोकाट गाय घुसल्याने विद्यार्थी आणि प्राध्यापकांची एकच तारांबळ उडाली. सुदैवाने गाईने कोणताही हल्ला केला नाही. या घटनेचा व्हिडिओ सोशल मीडियावर व्हायरल झाला आहे.
शनिवारी हा प्रकार घडला. एका वर्गात प्राध्यापक विद्यार्थ्यांना शिकवत असताना अचानक ही गाय वर्गात घुसली. त्यामुळे क्षणभर विद्यार्थी आणि प्राध्यापक अवाक् झाले. वर्गात आलेल्या या गाईने वर्गात भटकायला सुरुवात केल्याने विद्यार्थ्यांची एकच तारांबळ उडाली. बऱ्याच प्रयत्नानंतर अखेर या गाईला हटविण्यात आले. आयआयटी मुंबई परिसरात मोकाट गाईंचं प्रमाण खूप वाढलं असून या गाईंना एकाच ठिकाणी ठेवण्यासाठी गोठा बांधण्याचं काम आयआयटीकडून हाती घेण्यात येणार आहे.
शनिवारी हा प्रकार घडला. एका वर्गात प्राध्यापक विद्यार्थ्यांना शिकवत असताना अचानक ही गाय वर्गात घुसली. त्यामुळे क्षणभर विद्यार्थी आणि प्राध्यापक अवाक् झाले. वर्गात आलेल्या या गाईने वर्गात भटकायला सुरुवात केल्याने विद्यार्थ्यांची एकच तारांबळ उडाली. बऱ्याच प्रयत्नानंतर अखेर या गाईला हटविण्यात आले. आयआयटी मुंबई परिसरात मोकाट गाईंचं प्रमाण खूप वाढलं असून या गाईंना एकाच ठिकाणी ठेवण्यासाठी गोठा बांधण्याचं काम आयआयटीकडून हाती घेण्यात येणार आहे.