म. टा. खास प्रतिनिधी, मुंबई
मुंबई वाहतूक शाखेतील एका कॉन्स्टेबलची दुचाकी वॉकीटॉकी संच आणि ई-चलन मशिनसह वांद्रे येथून चोरीला गेली. वॉकीटॉकीवर महत्त्वपूर्ण आणि गोपनीय संदेश पाठवले जात असल्याने सर्व यंत्रणा खडबडून जागी झाली व पोलिसांनी ४८ तासांत ही दुचाकी चोरणाऱ्या रिक्षाचालकाला अटक केली.
वांद्रे वाहतूक चौकीतील पोलिस कॉन्स्टेबल संदीप महामुनी हे गुरुवारी रंगशारदा जंक्शन येथे सेवेवर होते. दुपारी जेवण्यासाठी ते वाहतूक चौकीजवळ आले. टोविंग केलेल्या बऱ्याच गाड्या असल्याने त्यांनी चौकीपासून काही अंतरावर दुचाकी पार्क केली. आपल्याकडील वॉकीटॉकी संच आणि ई-चलन मशिन त्यांनी दुचाकीच्या डिकीमध्ये ठेवली. जेवण करून पुन्हा ड्युटीवर आले असता, दुचाकी जागेवर नव्हती. आजूबाजूला विचारले पण कुणालाच काही माहीत नसल्याने अखेर त्यांनी वांद्रे पोलिस ठाण्यात तक्रार केली.
वाहतूक चौकीपासून आजूबाजूच्या परिसरातील सीसीटीव्ही फुटेज तपासण्यात आल्यानंतर एक व्यक्ती ही दुचाकी घेऊन जात असल्याचे दिसले. पोलीसांनी हे फुटेज वांद्रे परिसरातील खबरींना दाखवले. त्यावेळी हा रिक्षाचालक असल्याचे समजले. पोलिसांनी वांद्रे येथून बरकत अली शेख या रिक्षाचालकाला अटक केली. वाहतुकीचे नियम मोडल्याने महामुनी यांनी अनेकदा कारवाई केल्याचा बदला घेण्यासाठी हे कृत्य केल्याचे शेख याने सांगितले.
मुंबई वाहतूक शाखेतील एका कॉन्स्टेबलची दुचाकी वॉकीटॉकी संच आणि ई-चलन मशिनसह वांद्रे येथून चोरीला गेली. वॉकीटॉकीवर महत्त्वपूर्ण आणि गोपनीय संदेश पाठवले जात असल्याने सर्व यंत्रणा खडबडून जागी झाली व पोलिसांनी ४८ तासांत ही दुचाकी चोरणाऱ्या रिक्षाचालकाला अटक केली.
वांद्रे वाहतूक चौकीतील पोलिस कॉन्स्टेबल संदीप महामुनी हे गुरुवारी रंगशारदा जंक्शन येथे सेवेवर होते. दुपारी जेवण्यासाठी ते वाहतूक चौकीजवळ आले. टोविंग केलेल्या बऱ्याच गाड्या असल्याने त्यांनी चौकीपासून काही अंतरावर दुचाकी पार्क केली. आपल्याकडील वॉकीटॉकी संच आणि ई-चलन मशिन त्यांनी दुचाकीच्या डिकीमध्ये ठेवली. जेवण करून पुन्हा ड्युटीवर आले असता, दुचाकी जागेवर नव्हती. आजूबाजूला विचारले पण कुणालाच काही माहीत नसल्याने अखेर त्यांनी वांद्रे पोलिस ठाण्यात तक्रार केली.
वाहतूक चौकीपासून आजूबाजूच्या परिसरातील सीसीटीव्ही फुटेज तपासण्यात आल्यानंतर एक व्यक्ती ही दुचाकी घेऊन जात असल्याचे दिसले. पोलीसांनी हे फुटेज वांद्रे परिसरातील खबरींना दाखवले. त्यावेळी हा रिक्षाचालक असल्याचे समजले. पोलिसांनी वांद्रे येथून बरकत अली शेख या रिक्षाचालकाला अटक केली. वाहतुकीचे नियम मोडल्याने महामुनी यांनी अनेकदा कारवाई केल्याचा बदला घेण्यासाठी हे कृत्य केल्याचे शेख याने सांगितले.