'दर्ग्यात प्रवेश केल्यास देसाईंना काळे फासू'

मटा ऑनलाइन वृत्त । मुंबई

मुंबईतील हाजी अली दर्ग्यात महिलांना प्रवेश देण्यात यावा, यासाठी भूमाता ब्रिगेडच्या तृप्ती देसाई आज आंदोलन करणार आहेत. मात्र, त्यांनी दर्ग्यातील मजार प्रवेशासाठी जबरदस्ती केली तर, त्यांना काळे फासू, असा इशारा 'एमआयएम'ने दिला आहे.

आम्ही आज हाजी अली दर्ग्यात जाणार आहोत. तिथे प्रार्थना केल्यानंतर शांततेनं आंदोलन करण्यात येईल, असं तृप्ती देसाईंनी 'एएनआय'ला सांगितलं. या आंदोलनाच्या पार्श्वभूमीवर खबरदारी म्हणून मुंबई पोलिसांनी 'हाजी अली' परिसरातील सुरक्षा व्यवस्थेत वाढ केली आहे. चौफेर बॅरिकेट्स लावले आहेत. याचवेळी तृप्ती देसाईंच्या हाजी अली दर्ग्यातील प्रवेशाला एमआयएमने विरोध केला आहे. देसाई यांनी दर्ग्यातील मजार प्रवेशासाठी जबरदस्ती केल्यास त्यांच्या चेहऱ्याला काळे फासण्यात येईल, असा इशारा पक्षाचे नेते हाजी रफत हुसैन यांनी दिला आहे.