मुंबई
अंधेरी पूर्वेकडील एमआयडीसी परिसरात राहणाऱ्या महिला डेंटिस्टनेआत्महत्या केल्याचे गुरूवारी सायंकाळी उघडकीस आले. स्वाती शिवगण (३१) असे या महिला डाॅक्टरचे नाव आहे.
एमआयडीसी परिसरातील ग्रीमफिल्ड सोसायटी मध्ये राहणाऱ्यांनी प्लॅट क्रमांक ७३ मधून दुर्गंधी येत असल्याची तक्रार केली. एमआयडीसी पोलिसांनी घटनास्थळी जाऊन दरवाजा तोडला त्यावेळी स्वाती गळफास लावलेल्या स्थितीत आढळली. घटनास्थळी पोलिसांना चिठ्ठी सापडली असून यामध्ये कुणालाही जबाबदार धरू नये असे लिहिण्यात आले आहे. याप्रकरणी एमआयडीसी पोलिस ठाण्यात अपमृत्यूची नोंद करण्यात आली आहे.