अ‍ॅपशहर

'तो' करणार आयुष्यभर मोफत विमानप्रवास!

जेट एअरवेजच्या विमानाने कोची ते दम्मम, सौदी अरेबिया प्रवास करणाऱ्या एका महिलेने काल सकाळी विमानातच बाळाला जन्म दिला. या मुलाला जेट एअरवेजकडून आयुष्यभर मोफत हवाई प्रवासाची भेट मिळाली आहे.

Maharashtra Times 19 Jun 2017, 11:28 am
मटा ऑनलाइन वृत्त । मुंबई
महाराष्ट्र टाइम्स.कॉम woman gives birth on flight baby gets free jet pass for life
'तो' करणार आयुष्यभर मोफत विमानप्रवास!


जेट एअरवेजच्या विमानाने कोची ते दम्मम, सौदी अरेबिया प्रवास करणाऱ्या एका महिलेने काल सकाळी विमानातच बाळाला जन्म दिला. या मुलाला जेट एअरवेजकडून आयुष्यभर मोफत हवाई प्रवासाची भेट मिळाली आहे.

ही महिला ३० आठवड्यांची गर्भवती होती. जेट एअरवेजच्या धोरणानुसार, प्रवास करण्याबाबत डॉक्टरांचे फिटनेस प्रमाणपत्र असेल तर ३६ आठवड्यापर्यंतची गर्भवती महिला प्रवास करू शकते. त्यामुळे या महिलेला प्रवासाची परवानगी देण्यात आली. मात्र तिला विमानातच प्रसुतीकळा येऊ लागल्या. याच विमानात प्रवास करत असलेल्या एका नर्सच्या मदतीने फ्लाईट अटेंडन्ट्सनी या महिलेची प्रसुती केली. या प्रसुतीसाठी हे विमान मुंबईकडे वळवण्यात आलं. पण सकाळी ९.१२ वाजता विमान मुंबई विमानतळावर उतरण्याआधीच ८.४५ वाजता या बाळाचा जन्म झाला.

या नव्या प्रवाशाकडे ना तिकीट होतंस ना पासपोर्ट! त्याने हवेतच जन्म घेतल्याने त्याचे राष्ट्रीयत्व कोणते, याचीही माहिती अद्याप आली नसल्याचे एअरपोर्ट सूत्रांनी सांगितले. पण जेट एअरवेजच्या धोरणानुसार, त्याला जेट एअरवेजच्या विमानातून आयुष्यभर मोफत प्रवास करण्यासाठी लाइफटाइम पास मिळाला आहे!

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज