मटा ऑनलाइन वृत्त । मुंबई
महापौरपदाचे भक्कम दावेदार असलेले शिवसेनेचे जुने आणि अनुभवी नगरसेवक यशवंत जाधव यांचा महापौरपदाचा पत्ता कट करण्यात आला आहे. जाधव यांची शिवसेनेच्या गटनेतेपदी नियुक्ती करण्यात आल्याने त्यांचे महापौरपदाचे आणि स्थायी समिती अध्यक्षपदाचे स्वप्न भंगले आहे.
मागच्या टर्ममध्ये मुंबईचे महापौर अनुसुचित जातीच्या महिलांसाठी राखीव होते. त्यामुळे पत्नी यामिनी जाधव यांना महापौरपद मिळावे म्हणून यशवंत जाधव यांनी जोरदार प्रयत्न केले होते. जाधव यांना महापौरपद मिळू नये म्हणून महापालिकेतील शिवसेनेच्या काही नेत्यांनीही जोरदार लॉबिंग केली होती. त्यामुळे शेवटी मेरिट असतानाही शिवसेना नेतृत्वाने यामिनी जाधव यांच्या ऐवजी स्नेहल आंबेकर यांना महापौरपद दिले. आता नव्या महापालिकेत महापौरपद खुल्यावर्गासाठी असल्याने जाधव हे सुद्धा महापौरपदाच्या शर्यतीत होते. स्थायी समितीतील कामकाजाचा अनुभव, प्रभाग समिती, स्थापत्य समिती आणि बाजार व उद्यान समितीतील कामकाजाचा प्रचंड अनुभव असलेल्या जाधव यांना महापौरपद मिळेल असे वाटत होते. महापौरपद नाही मिळाले तरी जाधव यांना स्थायी समितीचे अध्यक्षपद तरी मिळेल अशी शक्यता वर्तविली जात होती. मात्र शिवसेनेने जाधव यांची महापालिकेच्या गटनेतेपदी बोळवण करून त्यांना महापौर आणि स्थायी समिती अध्यक्षपदाच्या खुर्चीपासून दूर ठेवले आहे. आता शिवसेनेचा मुंबई महापालिकेत महापौर बसल्यास जाधव यांना सभागृह नेतेपदाची धुरा सांभाळावी लागेल किंवा शिवसेनेचा महापौर नाही झाला तर त्यांना विरोधी पक्षनेते म्हणून काम पहावे लागणार आहे.
सातमकर, महाडेश्वर आणि कोरगावकर यांच्यात चुरस
महापौरपदाच्या स्पर्धेतून पत्ता कट झाल्यानंतर आता शिवसेनेचे नगरसेवक मंगेश सातमकर, विश्वनाथ महाडेश्वर, रमेश कोरगावकर आणि रमाकांत रहाटे यांच्यात महापौरपदाची चुरस निर्माण झाली आहे. यावेळी सुद्धा महिलेलाच महापौरपद देण्याचा शिवसेनेने निर्णय घेतला तर राजूल पटेल, शुभदा गुडेकर आणि किशोरी पेडणेकर यांच्यात महापौरपदाची स्पर्धा असेल असे सुत्रांनी सांगितले. माजी आमदार आणि माजी महापौर विशाखा राऊत यांनाही पुन्हा महापौरपदाची संधी मिळू शकेल असा अंदाज राजकीय विश्लेषक वर्तवित आहेत.
महापौरपदाचे भक्कम दावेदार असलेले शिवसेनेचे जुने आणि अनुभवी नगरसेवक यशवंत जाधव यांचा महापौरपदाचा पत्ता कट करण्यात आला आहे. जाधव यांची शिवसेनेच्या गटनेतेपदी नियुक्ती करण्यात आल्याने त्यांचे महापौरपदाचे आणि स्थायी समिती अध्यक्षपदाचे स्वप्न भंगले आहे.
मागच्या टर्ममध्ये मुंबईचे महापौर अनुसुचित जातीच्या महिलांसाठी राखीव होते. त्यामुळे पत्नी यामिनी जाधव यांना महापौरपद मिळावे म्हणून यशवंत जाधव यांनी जोरदार प्रयत्न केले होते. जाधव यांना महापौरपद मिळू नये म्हणून महापालिकेतील शिवसेनेच्या काही नेत्यांनीही जोरदार लॉबिंग केली होती. त्यामुळे शेवटी मेरिट असतानाही शिवसेना नेतृत्वाने यामिनी जाधव यांच्या ऐवजी स्नेहल आंबेकर यांना महापौरपद दिले. आता नव्या महापालिकेत महापौरपद खुल्यावर्गासाठी असल्याने जाधव हे सुद्धा महापौरपदाच्या शर्यतीत होते. स्थायी समितीतील कामकाजाचा अनुभव, प्रभाग समिती, स्थापत्य समिती आणि बाजार व उद्यान समितीतील कामकाजाचा प्रचंड अनुभव असलेल्या जाधव यांना महापौरपद मिळेल असे वाटत होते. महापौरपद नाही मिळाले तरी जाधव यांना स्थायी समितीचे अध्यक्षपद तरी मिळेल अशी शक्यता वर्तविली जात होती. मात्र शिवसेनेने जाधव यांची महापालिकेच्या गटनेतेपदी बोळवण करून त्यांना महापौर आणि स्थायी समिती अध्यक्षपदाच्या खुर्चीपासून दूर ठेवले आहे. आता शिवसेनेचा मुंबई महापालिकेत महापौर बसल्यास जाधव यांना सभागृह नेतेपदाची धुरा सांभाळावी लागेल किंवा शिवसेनेचा महापौर नाही झाला तर त्यांना विरोधी पक्षनेते म्हणून काम पहावे लागणार आहे.
सातमकर, महाडेश्वर आणि कोरगावकर यांच्यात चुरस
महापौरपदाच्या स्पर्धेतून पत्ता कट झाल्यानंतर आता शिवसेनेचे नगरसेवक मंगेश सातमकर, विश्वनाथ महाडेश्वर, रमेश कोरगावकर आणि रमाकांत रहाटे यांच्यात महापौरपदाची चुरस निर्माण झाली आहे. यावेळी सुद्धा महिलेलाच महापौरपद देण्याचा शिवसेनेने निर्णय घेतला तर राजूल पटेल, शुभदा गुडेकर आणि किशोरी पेडणेकर यांच्यात महापौरपदाची स्पर्धा असेल असे सुत्रांनी सांगितले. माजी आमदार आणि माजी महापौर विशाखा राऊत यांनाही पुन्हा महापौरपदाची संधी मिळू शकेल असा अंदाज राजकीय विश्लेषक वर्तवित आहेत.