म. टा. खास प्रतिनिधी, मुंबई
‘खरे म्हणजे, या जन्मावर, या जगण्यावर शतदा प्रेम करावे, हे म्हणण्याचा सर्वात मोठा अधिकार हा ज्येष्ठ संगीतकार यशवंत देव यांचाच आहे. वयाच्या ९१व्या वर्षीही ज्या उत्साहाने साक्षात ‘देव’ एकप्रकारे आपल्यासमोर उभे आहेत, ते पाहून आपल्याला खूप मोठी प्रेरणा मिळते. त्यामुळे यशवंत देव हे खऱ्या अर्थाने ‘महाराष्ट्र भूषण’ आहेत’, असे गौरवोद्गार मुख्यमंत्री देवेंद्र फडणवीस यांनी या अत्यंत मानाच्या पुरस्काराने देव यांना गौरवल्यानंतर काढले.
विलेपार्ले येथील भाईदास सभागृहात सोमवारी रंगलेल्या अत्यंत दिमाखदार अशा ‘इप्सित मटा सन्मान- २०१७ पॉवर्ड बाय विहंग ग्रुप’ या सोहळ्यात ‘महाराष्ट्र टाइम्स’च्या या अत्यंत मानाच्या पुरस्काराने यशवंत देव यांना गौरवण्यात आले. यावेळी ‘इप्सित ग्रुप’चे व्यवस्थापकीय संचालक प्रसन्न गडकरी, विहंग ग्रुपचे अध्यक्ष प्रताप सरनाईक व संचालक विहंग नाईक, ‘तन्वीशता’चे गिरीश मेहंदळे, युनियन बँकेचे राजन वायकुळ आदी मान्यवर उपस्थित होते.
‘यशवंत देव यांची या पुरस्कारासाठी निवड केल्याबद्दल प्रथम ‘महाराष्ट्र टाइम्स’चे अभिनंदन करतो. एखादा पुरस्कार व्यक्तीमुळे मोठा होतो. पण, आज देव यांच्यामुळे या पुरस्काराचा गौरव वाढला आहे’, असे उद्गार मुख्यमंत्र्यांनी यावेळी काढताच उपस्थितांनी टाळ्यांच्या कडकडाटाने त्याचे स्वागत केले. ‘देव हे शतायुषी झाल्यानंतरही सर्वांना हसवत राहतील आणि हसवत हसवत जगण्याचा अर्थ सर्वांनाच निश्चितपणे सांगतील. त्यामुळे मटाने तेव्हाही त्यांना बोलवावे. पण यामध्ये तळटीप अशी की, त्यावेळी मलाही मुख्यमंत्री म्हणून बोलवावे’, असे फडणवीस यांनी सांगताच सभागृहात एकच हंशा पिकला.
खरोखराच महाराष्ट्राला व देशाला पडलेले सुंदर स्वप्न म्हणजे यशवंत देव आहेत आणि त्याचे दर्शन आज आपल्याला होत आहे. सर्वोत्तम संगीतकार, गीतकार, गायक अशा अनेक भूमिका त्यांनी निभावल्या आहेत. त्यामुळे भावी पिढीला याच्यापेक्षा आणखी प्रेरणा काय हवी? त्यामुळे ईश्वराकडे एवढीच प्रार्थना करतो की, देव यांना दीर्घायुष्य लाभावे आणि अशाचप्रकारे त्यांचा सहवास, गीत, संगीताचा लाभ आम्हाला मिळत रहावा.
‘महाराष्ट्र टाइम्स’ हा या महाराष्ट्राचा बुलंद आवाज आहे. इतक्या वर्षांत वाचकांच्या प्रत्येक अभिरुचीला खऱ्या अर्थाने व्यासपीठ देण्याचे काम मटाने केलेले आहे. त्यामुळे अशाच प्रकारे कार्यक्रमांच्या माध्यमातून आणि वृत्तपत्राच्या माध्यमातून ही अभिरुची मटा पोचवत राहील, अशी सदिच्छा व्यक्त करतो’, असेही उद्गार मुख्यमंत्र्यांनी यावेळी काढले. यावेळी मुख्यमंत्र्यांचे स्वागत ‘इप्सित ग्रुप’चे व्यवस्थापकीय संचालक प्रसन्न गडकरी व ‘महाराष्ट्र टाइम्स’चे संपादक अशोक पानवलकर यांनी केले.
‘खरे म्हणजे, या जन्मावर, या जगण्यावर शतदा प्रेम करावे, हे म्हणण्याचा सर्वात मोठा अधिकार हा ज्येष्ठ संगीतकार यशवंत देव यांचाच आहे. वयाच्या ९१व्या वर्षीही ज्या उत्साहाने साक्षात ‘देव’ एकप्रकारे आपल्यासमोर उभे आहेत, ते पाहून आपल्याला खूप मोठी प्रेरणा मिळते. त्यामुळे यशवंत देव हे खऱ्या अर्थाने ‘महाराष्ट्र भूषण’ आहेत’, असे गौरवोद्गार मुख्यमंत्री देवेंद्र फडणवीस यांनी या अत्यंत मानाच्या पुरस्काराने देव यांना गौरवल्यानंतर काढले.
विलेपार्ले येथील भाईदास सभागृहात सोमवारी रंगलेल्या अत्यंत दिमाखदार अशा ‘इप्सित मटा सन्मान- २०१७ पॉवर्ड बाय विहंग ग्रुप’ या सोहळ्यात ‘महाराष्ट्र टाइम्स’च्या या अत्यंत मानाच्या पुरस्काराने यशवंत देव यांना गौरवण्यात आले. यावेळी ‘इप्सित ग्रुप’चे व्यवस्थापकीय संचालक प्रसन्न गडकरी, विहंग ग्रुपचे अध्यक्ष प्रताप सरनाईक व संचालक विहंग नाईक, ‘तन्वीशता’चे गिरीश मेहंदळे, युनियन बँकेचे राजन वायकुळ आदी मान्यवर उपस्थित होते.
‘यशवंत देव यांची या पुरस्कारासाठी निवड केल्याबद्दल प्रथम ‘महाराष्ट्र टाइम्स’चे अभिनंदन करतो. एखादा पुरस्कार व्यक्तीमुळे मोठा होतो. पण, आज देव यांच्यामुळे या पुरस्काराचा गौरव वाढला आहे’, असे उद्गार मुख्यमंत्र्यांनी यावेळी काढताच उपस्थितांनी टाळ्यांच्या कडकडाटाने त्याचे स्वागत केले. ‘देव हे शतायुषी झाल्यानंतरही सर्वांना हसवत राहतील आणि हसवत हसवत जगण्याचा अर्थ सर्वांनाच निश्चितपणे सांगतील. त्यामुळे मटाने तेव्हाही त्यांना बोलवावे. पण यामध्ये तळटीप अशी की, त्यावेळी मलाही मुख्यमंत्री म्हणून बोलवावे’, असे फडणवीस यांनी सांगताच सभागृहात एकच हंशा पिकला.
खरोखराच महाराष्ट्राला व देशाला पडलेले सुंदर स्वप्न म्हणजे यशवंत देव आहेत आणि त्याचे दर्शन आज आपल्याला होत आहे. सर्वोत्तम संगीतकार, गीतकार, गायक अशा अनेक भूमिका त्यांनी निभावल्या आहेत. त्यामुळे भावी पिढीला याच्यापेक्षा आणखी प्रेरणा काय हवी? त्यामुळे ईश्वराकडे एवढीच प्रार्थना करतो की, देव यांना दीर्घायुष्य लाभावे आणि अशाचप्रकारे त्यांचा सहवास, गीत, संगीताचा लाभ आम्हाला मिळत रहावा.
‘महाराष्ट्र टाइम्स’ हा या महाराष्ट्राचा बुलंद आवाज आहे. इतक्या वर्षांत वाचकांच्या प्रत्येक अभिरुचीला खऱ्या अर्थाने व्यासपीठ देण्याचे काम मटाने केलेले आहे. त्यामुळे अशाच प्रकारे कार्यक्रमांच्या माध्यमातून आणि वृत्तपत्राच्या माध्यमातून ही अभिरुची मटा पोचवत राहील, अशी सदिच्छा व्यक्त करतो’, असेही उद्गार मुख्यमंत्र्यांनी यावेळी काढले. यावेळी मुख्यमंत्र्यांचे स्वागत ‘इप्सित ग्रुप’चे व्यवस्थापकीय संचालक प्रसन्न गडकरी व ‘महाराष्ट्र टाइम्स’चे संपादक अशोक पानवलकर यांनी केले.