झहिर खानचे 'चक दे' गर्ल सागरिका घाटगेसोबत डेटिंग

मटा ऑनलाइन वृत्त । मुंबई

क्रिकेटपटू युवराज सिंग आणि हेजल कीच यांच्या लग्नात जसे विराट कोहली आणि अनुष्का शर्मा जोडीने लक्ष वेधून घेतले होते, तसेच आणखी एका जोडीवर सर्वांच्या नजरा रोखलेल्या होत्या. ते होते क्रिकेटपटू झहीर खान आणि अभिनेत्री सागरिका घाटगे. ही दोघंही एकमेकांच्या प्रेमात असल्याची चर्चा आहे, अर्थात त्यांनी अद्याप याबाबत वाच्यता केलेली नाही.

गोलंदाज झहीर खानचे या 'चक दे इंडिया' फेम अभिनेत्री सागरिका घाडगेसोबत मागील चार महिन्यांपासून सुत जुळले आहे. कॉमन मित्रांमुळे या दोघांची ओळख झाली आणि बघता बघता ती दोघं एकमेकांच्या प्रेमात पडली. अनेक पार्ट्यांना दोघे एकत्र दिसले आहेत. दोघांनीही युवराजच्या लग्नालाही हजेरी लावली होती. दोघेही आपल्या वैयक्तिक आयुष्याबाबत गुप्तता बाळगणे पसंत करत असल्याने इतक्यात आपल्या रिलेशनशीपबद्दल काही जाहीरपणे सांगण्याची शक्यता नाही.