म.टा. प्रतिनिधी, नागपूर
करोनाचा कहर दिवसेंदिवस वाढत असून शासकीय वैद्यकीय महाविद्यालयातील ३८ जणांना गेल्या आठ दिवसांत करोनाची लागण झाल्याची माहिती पुढे आली. यात डेन्टल आणि एमबीबीएसच्या विद्यार्थ्यांचा समावेश आहे. यासोबतच तीन परिचारिकाही संसर्गबाधित आढळल्याचे मेडिकलचे वैद्यकीय अधीक्षक डॉ. अविनाश गावंडे यांनी सांगितले.
करोनाचा संसर्ग कमी होताच अनेकांनी सुरक्षा नियमांचे पालन करणे बंद केले. लग्न, बाजारात गर्दी वाढली. त्यामुळे मागील काही दिवसांत करोना वाढू लागला आहे. गेल्या काही दिवसांपासून दिवसाला ५००च्या पटीने रुग्ण वाढत आहेत. मेडिकलमधील ३८ डॉक्टरांनाच आता लागण झाल्याने चिंता व्यक्त करण्यात येत आहे. यात बीडीएसचे नऊ, एमबीबीएसचे १२ व नऊ निवासी डॉक्टरांसह इतर कर्मचाऱ्यांचा समावेश आहे. नऊ डॉक्टरांवर रुग्णालयात उपचार सुरू आहेत. परिचारिकांमध्ये एक इनचार्ज तर दोन स्टाफ नर्स असल्याचेही गावंडे यांनी सांगितले.
-म्हणून वाढले रुग्ण
पॉझिटिव्ह आढळलेल्यांमध्ये छत्तीसगड, बुलडाणा, यवतमाळ, गोंदिया, मुंबई, वर्धा, वाशीम येथील डॉक्टरांचा समावेश आहे. आपापल्या भागातून नागपुरात आले आहेत. खबरदारी म्हणून सर्वांच्या तपासण्या करण्यात आल्या आहेत. ११७ विद्यार्थ्यांची आरटीपीसीआर तपासणी करण्यात आली असल्याचे गावंडे यांनी सांगितले.
आता ऑनलाइन वर्गावर भर
विद्यापीठ, संचालक कार्यालय आणि मंत्रालयाच्या निर्देशानुसार ऑफलाइन वर्ग सुरू करण्यात आले होते. इतर राज्यातूनही विद्यार्थी आले आहेत. त्यामुळे संसर्ग वाढला आहे. करोनाचा संसर्ग वाढल्याने प्राक्टिकल थांबविण्यात आले आहे. केवळ ऑनलाइन वर्गावर आता भर देण्यात येणार आहे. जे विद्यार्थी पॉझिटिव्ह आले आहेत, त्यांच्या खोल्या सॅनिटाइज केल्या आहेत. लक्षणे कमी असली तरी पॉझिटिव्ह आढळलेल्यांना रुग्णालयात भरती करण्यात आले असल्याचे डॉ. गावंडे यांनी सांगितले.
करोनाचा कहर दिवसेंदिवस वाढत असून शासकीय वैद्यकीय महाविद्यालयातील ३८ जणांना गेल्या आठ दिवसांत करोनाची लागण झाल्याची माहिती पुढे आली. यात डेन्टल आणि एमबीबीएसच्या विद्यार्थ्यांचा समावेश आहे. यासोबतच तीन परिचारिकाही संसर्गबाधित आढळल्याचे मेडिकलचे वैद्यकीय अधीक्षक डॉ. अविनाश गावंडे यांनी सांगितले.
करोनाचा संसर्ग कमी होताच अनेकांनी सुरक्षा नियमांचे पालन करणे बंद केले. लग्न, बाजारात गर्दी वाढली. त्यामुळे मागील काही दिवसांत करोना वाढू लागला आहे. गेल्या काही दिवसांपासून दिवसाला ५००च्या पटीने रुग्ण वाढत आहेत. मेडिकलमधील ३८ डॉक्टरांनाच आता लागण झाल्याने चिंता व्यक्त करण्यात येत आहे. यात बीडीएसचे नऊ, एमबीबीएसचे १२ व नऊ निवासी डॉक्टरांसह इतर कर्मचाऱ्यांचा समावेश आहे. नऊ डॉक्टरांवर रुग्णालयात उपचार सुरू आहेत. परिचारिकांमध्ये एक इनचार्ज तर दोन स्टाफ नर्स असल्याचेही गावंडे यांनी सांगितले.
-म्हणून वाढले रुग्ण
पॉझिटिव्ह आढळलेल्यांमध्ये छत्तीसगड, बुलडाणा, यवतमाळ, गोंदिया, मुंबई, वर्धा, वाशीम येथील डॉक्टरांचा समावेश आहे. आपापल्या भागातून नागपुरात आले आहेत. खबरदारी म्हणून सर्वांच्या तपासण्या करण्यात आल्या आहेत. ११७ विद्यार्थ्यांची आरटीपीसीआर तपासणी करण्यात आली असल्याचे गावंडे यांनी सांगितले.
आता ऑनलाइन वर्गावर भर
विद्यापीठ, संचालक कार्यालय आणि मंत्रालयाच्या निर्देशानुसार ऑफलाइन वर्ग सुरू करण्यात आले होते. इतर राज्यातूनही विद्यार्थी आले आहेत. त्यामुळे संसर्ग वाढला आहे. करोनाचा संसर्ग वाढल्याने प्राक्टिकल थांबविण्यात आले आहे. केवळ ऑनलाइन वर्गावर आता भर देण्यात येणार आहे. जे विद्यार्थी पॉझिटिव्ह आले आहेत, त्यांच्या खोल्या सॅनिटाइज केल्या आहेत. लक्षणे कमी असली तरी पॉझिटिव्ह आढळलेल्यांना रुग्णालयात भरती करण्यात आले असल्याचे डॉ. गावंडे यांनी सांगितले.