नासुप्र आणि मनपाची कारवाई
म. टा. प्रतिनिधी, नागपूर
उच्च न्यायालयाच्या आदेशानंतर नासुप्र आणि मनपाकडून अनधिकृत धार्मिक स्थळांवर कारवाईचा धडाका सुरू असून गुरुवारी ४४ धार्मिक स्थळांवर कारवाई करण्यात आली. यात नासुप्रने ३६ आणि मनपाने ८ धार्मिक स्थळांवर कारवाई केली.
नासुप्रचे सभापती अश्विन मुद्गल आणि अधीक्षक अभियंता सुनील गुज्जेलवार यांच्या मार्गदर्शनाखाली पूर्व नागपुरात गुरुवारी कारवाई करण्यात आली. या कारवाईत संजय चिमूरकर, विभागीय अधिकारी(पूर्व) भरत मुंडले, कनिष्ट अभियंता अविनाश घोगले, दीपक धकाते, नासुप्रचे अतिक्रमणविरोधी पथकाचे प्रमुख मनोहर पाटील, वरिष्ठ पोलिस निरीक्षक खुशाल तिजारे, विनायक चव्हाण यांचा समावेश होता.
...ही धार्मिक स्थळे पाडली
नासुप्रने कळमना येथील शिवमंदिर, नागमंदिर, महालक्ष्मीमंदिर, चिखली येथील सैलानीबाबा दर्गा, शारदा माता मंदिर, जय भीम बौद्धविहार, शीतलामाता मंदिर, समता सैनिक दल बौद्धविहार, हनुमान व नाग मंदिर, माता मंदिर, आदिवासी प्रकाश नगर येथील पंचशील ध्वज, गोपाल नगर येथील शंकर पार्वती मंदिर, डिपटी सिग्नल येथील नाग मंदिर, मिनिमातानगर येथील बजरंग बली मंदिर,मिनिमाता नगर, नेहरूनगर येथील बौद्ध मूर्ती, जितवन बौद्धविहार अशा एकूण ३६ धार्मिक स्थळांवर कारवाई केली.
........