म.टा. प्रतिनिधी, नागपूर
मेट्रो व्हिजन बिल्डकॉन इंडिया लिमिटेड, रियल ट्रेड व मेट्रो क्वाइन कंपनीच्या माध्यमातून दाम दुप्पटचे आमिष दाखवून महाठग विजय गुरनुले व त्याच्या साथीदारांनी आतापर्यंत २५ हजार गुंतवणुकदारांची १०० कोटींनी फसवणूक केल्याचे तपासादरम्यान समोर आले आहे. पोलिसांनी अमरावती येथे छापा घालत गुरुनुलेने नातेवाइकाच्या घरात खड्डा खणत लपविलेले ४८ लाख रुपये जप्त केले आहेत. अन्य ठिकाणाहून पोलिसांनी गुरनुले याचे सात लाख रुपये जप्त केल्याची माहिती पोलिस उपायुक्त नुरूल हसन यांनी मंगळवारी दिली.
फसवणुकीचा गुन्हा दाखल होताच गुरनुले पसार झाला. तो अमरावती येथे राहणाऱ्या नातेवाइकाकडे गेला. त्याने नातेवाइकाच्या घरात तीन फूट खोल खड्डा खणला. तीन बॉक्समध्ये ४८ लाख रुपये ठेऊन ते खड्ड्यात पुरले. गुरनुलेच्या चौकशीदरम्यान ही बाब समोर आली. प्रतापनगर पोलिस स्टेशनचे वरिष्ठ पोलिस निरीक्षक भीमराव खणदाळे यांच्या मार्गदर्शनाखाली पोलिसांचे पथक गुरनुले याच्या नातेवाइकाकडे गेले. खड्ड्यातून ४८ लाख रुपयांची रोख जप्त केली. गुरनुले व त्याच्या साथीदारांकडून आतापर्यंत एक कोटी चार लाख रुपये जप्त करण्यात आले आहेत. पीडित गणेश चाफले यांच्या तक्रारीवरून पोलिसांनी विजय गुरनुले याच्यासह जीवनदास दंडारे, रमेश बिसेन, अतुल मेश्राम, अविनाश महाडोले, राजू मोहुर्ले, श्रीकांत निकुरे, देवेंद्र गजभिये, ज्ञानेश्वर बावने , रोशन कडू आदींना अटक केली आहे. गुरनुले याच्याप्रमाणेच देवेंद्र गजभिये हाही या घोटाळ्याचा सूत्रधार आहे. एजंटला लकी ड्रॉच्या माध्यमातून गुरनुले हा कार, वॉशिंग मशिन, लॅपटॉप, मोटरसायकल आदी महागड्या वस्तू भेट द्यायचा. त्यामुळे एजंट गुंतवणूकदारांना कंपनीत मोठ्या प्रमाणात गुंतवणूक करण्यास भाग पाडायचे, असेही हसन यांनी सांगितले. पत्रकार परिषदेला प्रतापनगर पोलिस स्टेशनचे वरिष्ठ पोलिस निरीक्षक भीमराव खणदाळे उपस्थित होते.
काश्मीर ते कन्याकुमारीपर्यंत जाळे
गुरनुले याने काश्मीर ते कन्याकुमारीपर्यंत फसवणुकीचे जाळे विणल्याचे तपासादरम्यान समोर आले. फसवणूक झालेल्या गुंतवणूकदारांमध्ये महाराष्ट्रासह उत्तर प्रदेश, बिहार, जम्मू काश्मीर, चंदीगड व आसाम राज्यातील सर्वाधिक गुंतवणूकदारांचा समावेश आहे, असेही हसन यांनी सांगितले.
मेट्रो व्हिजन बिल्डकॉन इंडिया लिमिटेड, रियल ट्रेड व मेट्रो क्वाइन कंपनीच्या माध्यमातून दाम दुप्पटचे आमिष दाखवून महाठग विजय गुरनुले व त्याच्या साथीदारांनी आतापर्यंत २५ हजार गुंतवणुकदारांची १०० कोटींनी फसवणूक केल्याचे तपासादरम्यान समोर आले आहे. पोलिसांनी अमरावती येथे छापा घालत गुरुनुलेने नातेवाइकाच्या घरात खड्डा खणत लपविलेले ४८ लाख रुपये जप्त केले आहेत. अन्य ठिकाणाहून पोलिसांनी गुरनुले याचे सात लाख रुपये जप्त केल्याची माहिती पोलिस उपायुक्त नुरूल हसन यांनी मंगळवारी दिली.
फसवणुकीचा गुन्हा दाखल होताच गुरनुले पसार झाला. तो अमरावती येथे राहणाऱ्या नातेवाइकाकडे गेला. त्याने नातेवाइकाच्या घरात तीन फूट खोल खड्डा खणला. तीन बॉक्समध्ये ४८ लाख रुपये ठेऊन ते खड्ड्यात पुरले. गुरनुलेच्या चौकशीदरम्यान ही बाब समोर आली. प्रतापनगर पोलिस स्टेशनचे वरिष्ठ पोलिस निरीक्षक भीमराव खणदाळे यांच्या मार्गदर्शनाखाली पोलिसांचे पथक गुरनुले याच्या नातेवाइकाकडे गेले. खड्ड्यातून ४८ लाख रुपयांची रोख जप्त केली. गुरनुले व त्याच्या साथीदारांकडून आतापर्यंत एक कोटी चार लाख रुपये जप्त करण्यात आले आहेत. पीडित गणेश चाफले यांच्या तक्रारीवरून पोलिसांनी विजय गुरनुले याच्यासह जीवनदास दंडारे, रमेश बिसेन, अतुल मेश्राम, अविनाश महाडोले, राजू मोहुर्ले, श्रीकांत निकुरे, देवेंद्र गजभिये, ज्ञानेश्वर बावने , रोशन कडू आदींना अटक केली आहे. गुरनुले याच्याप्रमाणेच देवेंद्र गजभिये हाही या घोटाळ्याचा सूत्रधार आहे. एजंटला लकी ड्रॉच्या माध्यमातून गुरनुले हा कार, वॉशिंग मशिन, लॅपटॉप, मोटरसायकल आदी महागड्या वस्तू भेट द्यायचा. त्यामुळे एजंट गुंतवणूकदारांना कंपनीत मोठ्या प्रमाणात गुंतवणूक करण्यास भाग पाडायचे, असेही हसन यांनी सांगितले. पत्रकार परिषदेला प्रतापनगर पोलिस स्टेशनचे वरिष्ठ पोलिस निरीक्षक भीमराव खणदाळे उपस्थित होते.
काश्मीर ते कन्याकुमारीपर्यंत जाळे
गुरनुले याने काश्मीर ते कन्याकुमारीपर्यंत फसवणुकीचे जाळे विणल्याचे तपासादरम्यान समोर आले. फसवणूक झालेल्या गुंतवणूकदारांमध्ये महाराष्ट्रासह उत्तर प्रदेश, बिहार, जम्मू काश्मीर, चंदीगड व आसाम राज्यातील सर्वाधिक गुंतवणूकदारांचा समावेश आहे, असेही हसन यांनी सांगितले.