बुलडाणा : ऑटोमध्ये गांजा घेवून जात असलेल्या सहा जणांना डीवायएसपी पथकाने गुरुवारी सकाळी एमआयडीसी टर्निंगवर ताब्यात घेतले. त्यांच्याकडून ६ लाख रुपये किंमतीच्या एक क्विंटल गांजासह ऑटो जप्त करण्यात आला आहे. गांजा तस्करी करणारे काही जण सकाळी ऑटो क्र. एमएच २८ टी ७१८ मध्ये थैल्या व पोतड्यामध्ये गांजा भरून नांदुराकडे जात होते. याच टोळीतील दोन जण दुचाकीने (क्र. एमएच २८ बीडी ०१२९)ने ऑटोच्या समोर जात होते. माहितीवरून डीवायएसपी पथकाने सकाळी येथील एमआयडीसी टर्निंगवर सापळा रचून ऑटोमधील ताराचंद नारायण आठवले (वय ४६, रा. सतिफैल), सुरेश लालचंद पवार (वय ३४), लखन दुर्योधन चव्हाण (वय २२), अजय सुरेश पवार, लिला लालचंद पवार (वय ५६) व दुचाकी वरील लालचंद पर्वत पवार (वय ६०, सर्व रा. जळका तेली) यांना ताब्यात घेतले. दुचाकीस्वार विनोद पंडीत चव्हाण (वय ३२, रा. जळका तेली) हा फरार होण्यात यशस्वी झाला.
सहा लाखांचा गांजा पकडला
ऑटोमध्ये गांजा घेवून जात असलेल्या सहा जणांना डीवायएसपी पथकाने गुरुवारी सकाळी एमआयडीसी टर्निंगवर ताब्यात घेतले...
Maharashtra Times 24 Aug 2018, 4:00 am