बायकोसोबत भांडण सुरू असताना १ वर्षीय मुलाला संपवलं; नराधम बाप आता आयुष्यभर तुरुंगात राहणार

नागपूर : मुलगा नाही मुलगी हवी होती असे म्हणत एक वर्षाच्या पोटच्या पोराला दगडावरून आपटून ठार मारणाऱ्या नराधमाचा सत्र न्यायालयाचे एस.एम.एस.ए. अली यांनी आजन्म कारावास आणि दोन हजार रुपये कारावासाची शिक्षा सुनावली आहे. भजन मेहताब कवरेती (वय ४०, रा. वाकोडी) असे या प्रकरणातील आरोपीचं नाव आहे. त्याच्यावर मुलगा सत्यम (वय १ वर्षे) याच्या हत्येचा आरोप होता.

ही घटना २५ मे २०२१ रोजी रात्री ९च्या सुमारास खापा पोलीस ठाण्याच्या हद्दीत घडली होती. भजनला दारुचे व्यसन होते. त्याने पत्नी मथुराला दारुसाठी पैसे मागितले. तिने नकार दिल्याने तो रागावला. रागाच्या भरात तो तिला मारहाण करू लागला. अशात त्याची नजर त्याच्या एक वर्षाच्या मुलाकडे गेली. मला मुलगा नाही मुलगी पाहिजे होती, असे म्हणत त्याने त्याच्या एक वर्षांच्या सत्यमला हातात घेतले. त्याचे पाय धरून त्याने त्याला दगडावर आदळले. यात त्याचा मृत्यू झाला.

अरेरे! भावंडांसोबत अभ्यास करत होती चिमुरडी; पेन्सिलला टोक काढताना आक्रित घडलं, करूण अंत

पोलिसांनी भजन कवरेती याच्यावर गुन्हा दाखल करून त्याला अटक करून तपासाअंती त्याच्यावर आरोपपत्र दाखल केले. अतिरिक्त सरकारी वकील आसावरी परसोडकर यांनी सरकारची बाजू मांडली. न्यायालयाने दोन्ही पक्षांची बाजू ऐकून आरोपीला दोषी ठरवित त्याला शिक्षा सुनावली आहे.