म. टा. विशेष प्रतिनिधी, नागपूर
रेल्वे स्थानकावरून पर्स चोरणाऱ्या एका ज्येष्ठाला लोहमार्ग पोलिसांनी अटक केली. नरेश कोटांगळे (वय ६०, महादुला) असे आरोपीचे नाव असून, तो पूर्वी रेल्वे स्थानकावर कुलीचे काम करायचा.
नरेश रविवारी नागपूर रेल्वे स्थानकावर आला. तत्पूर्वी चंद्रनगर, नागपूर येथील रहिवासी संजय त्रिपाठी (४६) हे केरळ एक्स्प्रेसने दिल्लीहून नागपूरला आले. सकाळी ९.१५ वाजताच्या सुमारास प्लॅटफॉर्म क्रमांक २ वर गाडी आली. धावपळीत त्यांची पर्स तेथे पडली. दरम्यान पडलेली पर्स नरेशने उचलली आणि सोबत घेऊन गेला. पर्स दिसत नसल्याने त्रिपाठी लोहमार्ग ठाण्यात पोहोचले. कर्तव्यावर असलेले उपनिरीक्षक रवी वाघ, रोशन मोगरे आणि शैलेश उके यांनी शोध घेतला. मात्र, आरोपी आणि पर्स मिळाली नाही. आरपीएफ ठाण्यातील सीसीटीव्ही नियंत्रण कक्षात तपासणी केली असता नरेश हा पर्स उचलून घेऊन जात असल्याचे दिसले. यावरून रवी वाघ आणि त्यांच्या पथकाने नरेशचा शोध घेतला. दुपारपर्यंत त्याच्या घरी पोलिस पोहोचले. त्याला ताब्यात घेऊन लोहमार्ग ठाण्यात आणले. मात्र, पर्स मध्ये पूर्ण पैसे नव्हते. पैशांसंबधी त्याने समाधानकारक उत्तरही दिले नाही. पोलिसांनी त्याच्याविरुद्ध गुन्हा नोंदवून अटक केली आहे.
रेल्वे स्थानकावरून पर्स चोरणाऱ्या एका ज्येष्ठाला लोहमार्ग पोलिसांनी अटक केली. नरेश कोटांगळे (वय ६०, महादुला) असे आरोपीचे नाव असून, तो पूर्वी रेल्वे स्थानकावर कुलीचे काम करायचा.
नरेश रविवारी नागपूर रेल्वे स्थानकावर आला. तत्पूर्वी चंद्रनगर, नागपूर येथील रहिवासी संजय त्रिपाठी (४६) हे केरळ एक्स्प्रेसने दिल्लीहून नागपूरला आले. सकाळी ९.१५ वाजताच्या सुमारास प्लॅटफॉर्म क्रमांक २ वर गाडी आली. धावपळीत त्यांची पर्स तेथे पडली. दरम्यान पडलेली पर्स नरेशने उचलली आणि सोबत घेऊन गेला. पर्स दिसत नसल्याने त्रिपाठी लोहमार्ग ठाण्यात पोहोचले. कर्तव्यावर असलेले उपनिरीक्षक रवी वाघ, रोशन मोगरे आणि शैलेश उके यांनी शोध घेतला. मात्र, आरोपी आणि पर्स मिळाली नाही. आरपीएफ ठाण्यातील सीसीटीव्ही नियंत्रण कक्षात तपासणी केली असता नरेश हा पर्स उचलून घेऊन जात असल्याचे दिसले. यावरून रवी वाघ आणि त्यांच्या पथकाने नरेशचा शोध घेतला. दुपारपर्यंत त्याच्या घरी पोलिस पोहोचले. त्याला ताब्यात घेऊन लोहमार्ग ठाण्यात आणले. मात्र, पर्स मध्ये पूर्ण पैसे नव्हते. पैशांसंबधी त्याने समाधानकारक उत्तरही दिले नाही. पोलिसांनी त्याच्याविरुद्ध गुन्हा नोंदवून अटक केली आहे.