जंगली डुकरांसाठी लावलेला फास आवळल्याने बिबट्याचा मृत्यू

वर्धा: जंगली डुक्कर पकडण्यासाठी लावण्यात आलेल्या जाळ्यात चक्क बिबट्या अडकला. अशातच त्याचा मृत्यू झाला. ही घटना आर्वी तालुक्यातील सुकळी उबार शिवारात घडली असून घटनेची नोंद वनविभागाने घेतली आहे. या प्रकरणातील आरोपीचा शोध घेण्यासाठी वनविभागाचे तीन चमू रवाना झाले असल्याचे सांगण्यात आले.

खरांगणा (मो.) वनपरिक्षेत्रात येणाऱ्या बोथली नटाळा नजीकच्या सुकळी उभार जंगल परिसरातील टेकडीवर एक बिबट्या जाळ्यात अडकलेल्या स्थितीत निदर्शनास आल्याने याची माहिती वनविभागाच्या अधिकाऱ्यांना देण्यात आली. माहिती मिळताच एसीएफ ठाकूर, डामडरे, खरांगणाचे वनपरिक्षेत्र अधिकारी ए.एस. ताल्हण यांच्यासह त्यांच्या सहकाऱ्यानी घटनास्थळ गाठून परिसराची बारकाईने पाहणी केली. बारकाईने पाहणी केली असता जंगली डुक्कर पकडण्यासाठी लावलेल्या जाळ्यात मृत बिबट्या अडकलेल्या अवस्थेत आढळून आला. सदर मृत नर बिबट्या सुमारे ३ ते ४ वर्ष वयोगटातील असल्याचा अंदाज वनविभागाच्या अधिकाऱ्याकडून वर्तविला जात आहे. घटनास्थळी पोहोचलेल्या वनविभागाच्या अधिकाऱ्यानी बिबट्याचा मृतदेह ताब्यात घेत पंचनामा केला. शिवाय जाळे कुणी लावले याचा शोध सध्या घेतल्या जात आहे. मृतदेह अद्याप घटनास्थळी सुरक्षित ठेवण्यात आला आहे. नागपूर येथील फॉरेन्सिक चमू पोहचून शवविच्छेदन करेल त्यांनातरच अंत्यसंस्कार केले जातील.

अजित पवारांकडून वारकऱ्यांमध्ये दुजाभाव; आंबेडकरांचा गंभीर आरोप

परिसरात अवैध शिकार सुरू होती

खरांगणा वनपरिक्षेत्रात छुप्या पद्धतीने वन्यप्राण्यांची शिकार होत असल्याच्या प्रकारावर आज उघडकीस आलेल्या घटनेमुळे अप्रत्यक्ष शिक्कामोर्तबच झाला आहे. जंगलातील नैसर्गिक पाणवठे आटल्याने सध्या वन्यप्राण्यांची पाण्यासाठी भटकंती होत आहे. अशातच अवैध शिकार करणाºयांकडून लावण्यात आलेल्या जाळ्यात थेट बिबट अडकला आणि त्याचा मृत्यू झाल्याची चर्चा घटनास्थळी होत होती.

सनदी अधिकाऱ्यांच्या 'यशोधन' इमारतीतील २६ जणांना करोना