नागपूर: महिलेने दुसऱ्या महिलेवर फेकले अॅसिड

नागपूर:
एका महिलेने दुसऱ्या महिलेवर अॅसिड फेकण्याची धक्कादायक घटना नागपूरमध्ये घडली आहे. पूर्ववैमनस्यातून हा अॅसिड हल्ला झाला असल्याची प्राथमिक माहिती आहे. ही घटना शासकीय तंत्रनिकेतन महाविद्यालयातील आहे. बदली केल्याने शासकीय महिला अधिकाऱ्याने विभागप्रमुख असणाऱ्या अन्य महिलेवर हा हल्ला केला आहे.

कामाच्या ताणाने हैराण झालात?, मग 'हे' कराच!

ही थरारक घटना बुधवारी दुपारी ३ वाजताच्या सुमारास गर्व्हमेंट पॉलिटेक्निकमध्ये घडली. शासकीय तंत्रनिकेतन महाविद्यालयातील प्रयोगशाळेतील लॅब सहाय्यक महिलेने दुसऱ्या विभागप्रमुख महिला अधिकाऱ्यावर अमिनो अॅसिड फेकले. यात या महिला अधिकारी जखमी झाल्या आहेत. पॉलिटेक्निकमध्ये अॅसिड हल्ला झाल्याचे वृत्त पसरल्याने परिसरात खळबळ उडाली आहे.

काश्मीर: लातूरचा जवान सुरेश चित्ते शहीद