बनावट प्रमाणपत्रावरुन ‘जलतरण’मध्ये प्रवेश? अंबाझरी स्विमिंगपूलमधील प्रकार उघडकीस

म.टा. प्रतिनिधी, नागपूर : प्ले स्टोअरवरून अॅप डाउनलोड करीत एकाने बनावट ओळखपत्र तयार केले व नासुप्रच्या अंबाझरी येथील ऑलिम्पिक दर्जाच्या स्विमिंग पूलमध्ये पोहण्यासाठी तो नियमित येऊ लागला. व्यवस्थापनाने त्याला दंड ठोठावत ताकीद देऊन सोडले.

अशी आहे घटना

‘नफा कमविणे हा यामागचे उद्देश नाही. शहरातील जलतरणपटूंना पोहण्याची सुविधा व्हावी यासाठी स्विमिंग पूल चालविण्यात येत आहे. माफक दरात ही सुविधा पुरविली जात आहे. असे असतानाही असे चोरून सुविधा वापरण्याचे प्रकार होत असतील तर धक्कादायक आहे. यापुढे कायदेशीर कारवाई केली जाईल’, असा इशारा मिडलँड स्पोर्ट्स अॅण्ड वेलनेस प्रा. लिमिटेडचे व्यवस्थापकीय संचालक प्रशांत उगेमुगे यांनी दिला. ‘प्रशासनाच्या डोळ्यांत धूळ फेकून कुणी रेसिंग पूलमध्ये उतरत असेल तर त्याच्या जिवालाही धोका आहे. पालकांनीही आपल्या पाल्यांवर लक्ष ठेवावे’, असे आवाहन व्यवस्थापनाने केले.



असा झाला पर्दाफाश

‘बनावट ओळखपत्र तयार करून जो युवक येत होता, त्याच्या कार्डची मुदत संपली होती. नूतनीकरण करण्याऐवजी त्याने अॅपच्या मदतीने मूळ कार्ड स्कॅन करून त्यात बदल करून स्वत:च मुदत वाढवून घेतली. ओळखपत्राची तपासणी करताना फॉन्ट वेगळा वाटला. त्यानंतर व्यवस्थापनाकडे असलेली नोंद तपासण्यात आली. त्यात या युवकाचे नावच नसल्याचे आढळले’, असे व्यवस्थापक अश्विन जनबंधू यांनी सांगितले.