गर्भवतीचा खून करून चेहरा, हात जाळले

म.टा. वृत्तसेवा, यवतमाळ

गर्भवती महिलेचा निर्घृण खून करून तिचा चेहरा व हात जाळण्यात आला. विवस्त्र अवस्थेतील तिचा मृतदेह कालव्यात आढळून आल्याने खळबळ उडाली आहे.

ही थरारक घटना राळेगाव तालुक्यातील खडकीजवळील पिंपरी किन्ही मार्गावर शुक्रवारी उघडकीस आली. धरणाच्या लघु कालव्यात या महिलेचा मृतदेह काही मजुरांना दिसताच गावात एकच खळबळ उडाली. माहिती मिळताच खडकी पोलिसांनी घटनास्थळ गाठले. मारेकऱ्यांनी या महिलेचा चेहरा व हात जाळून तिची ओळख मिटविण्याचा प्रयत्न केल्याने तिची ओळख पाठविण्यात पोलिसांना अडचण येत आहे. ही महिला या परिसरातील नसून बाहेर खून करून तिचा मृतदेह कालव्यात फेकण्यात आला असावा, असा संशय पोलिसांना आहे.