नागपूर:
भाजपचे आमदार अतुल भातखळकर यांनी छत्रपती शिवाजी महाराजांबद्दल वापरलेल्या 'भलता' या कथित शब्दावरून शिवसेनेसह काँग्रेस-राष्ट्रवादीने भाजपला घेरत विधानसभेचं कामकाज रोखून धरलं. भातखळकर यांना निलंबित करण्याची मागणी करत विरोधकांनी विधानसभा अध्यक्षांच्यासमोरील वेलमध्ये येऊन जोरदार घोषणाबाजी केली. काही सदस्यांनी वेलमध्ये ठिय्या आंदोलनही केले. त्यामुळे सत्ताधारी भाजप आमदारांनीही घोषणाबाजी करत विरोधकांना जशास तसे प्रत्युत्तर देण्याचा प्रयत्न केला. यावेळी सत्ताधारी आणि विरोधकांमध्ये बाचाबाची झाल्यानंतर अध्यक्षांच्या टेबलवरील राजदंड पळविण्याचा प्रयत्न झाला. त्यामुळे सभागृहातील वातावरण तापल्याने सभागृहाचे कामकाज दोनदा तहकूब करण्यात आले.
'मुळ विषय पत्रिकेतील कामकाज बाजूला पडून सभागृहात 'भलते'च विषय काढले जातात,' असं वक्तव्य अतुल भातखळकर यांनी केलं होतं. त्यामुळे सभागृहातील वातावरण तापलं. शिवसेना, काँग्रेस आणि राष्ट्रवादीने भातखळकरांच्या या विधानाचा तीव्र शब्दांत निषेध नोंदवत भातखळकरांच्या निलंबनाची मागणी केली. भातखळकरांना शिवाजी महाराजांच्या स्मारकाचा विषय 'भलता' वाटतो काय? असा सवाल करत विरोधकांनी भाजपला घेरण्याचा प्रयत्न केला. शिवसेना, काँग्रेस आणि राष्ट्रवादीचे सदस्यांनी वेलमध्ये उतरून भाजपविरोधात घोषणाबाजी सुरू केली. त्यामुळे सेना-भाजप आमदारांमध्ये वादावादी झाली. यावेळी गृहनिर्माण राज्यमंत्री रवींद्र वायकरही संतापले.
यावेळी विरोधकांनी वेलमध्ये ठिय्या आंदोलन करत भातखळकरांच्या निलंबनाची मागणी केली. त्यानंतर काही सदस्यांनी विधानसभा अध्यक्ष हरिभाऊ बागडे यांच्यासमोरील राजदंड पळविण्याचा प्रयत्न केला. त्यामुळे सभागृहाचं कामकाज दोनदा तहकूब करण्यात आलं. त्यानंतर विरोधकांनी विधानभवनाबाहेर येऊन जोरदार घोषणाबाजी करत भाजपवर टीका केली.
भाजप सरकार मनुवादी
दरम्यान, अतुल भातखळकर यांनी शिवाजी महाराजांबद्दल भलता शब्द वापरून महाराजांचा अवमान केला आहे. त्यामुळे भातखळकरांना निलंबित करण्यात यावं, अशी मागणी करतानाच भाजप सरकार मनुवादी आहे, अशी टीका राष्ट्रवादीचे ज्येष्ठ नेते अजित पवार यांनी केली. तर मनुवादी या शब्दावर आक्षेप घेत अर्थमंत्री सुधीर मुनगंटीवार यांनी हा शब्द कामकाजातून काढून टाकण्याची विधानसभा अध्यक्षांकडे मागणी केली.
तो शब्द प्रयोग चव्हाणांसाठी
भलता या शब्दावरून विरोधक आक्रमक झाल्याने अतुल भातखळकर यांनी हा शब्द मागे घेत दिलगिरी व्यक्त केली. 'शिवाजी महाराज आमचं दैवत आहे. त्यांच्याबद्दल मी कोणताही कसलाही शब्द प्रयोग केला नाही. भलता हा शब्द माजी मुख्यमंत्री पृथ्वीराज चव्हाण यांच्याबद्दल वापरला होता. तरीही विरोधकांचा गैरसमज झाला असेल तर तो शब्द मागे घेतो. माझं विधान मी शंभर टक्के मागे घेतो,' असं भातखळकर यांनी विधानसभेत स्पष्ट केलं. मात्र तरीही समाधान न झाल्याने विरोधकांनी सभागृहातील कामकाज रोखून धरलं होतं.
भाजपचे आमदार अतुल भातखळकर यांनी छत्रपती शिवाजी महाराजांबद्दल वापरलेल्या 'भलता' या कथित शब्दावरून शिवसेनेसह काँग्रेस-राष्ट्रवादीने भाजपला घेरत विधानसभेचं कामकाज रोखून धरलं. भातखळकर यांना निलंबित करण्याची मागणी करत विरोधकांनी विधानसभा अध्यक्षांच्यासमोरील वेलमध्ये येऊन जोरदार घोषणाबाजी केली. काही सदस्यांनी वेलमध्ये ठिय्या आंदोलनही केले. त्यामुळे सत्ताधारी भाजप आमदारांनीही घोषणाबाजी करत विरोधकांना जशास तसे प्रत्युत्तर देण्याचा प्रयत्न केला. यावेळी सत्ताधारी आणि विरोधकांमध्ये बाचाबाची झाल्यानंतर अध्यक्षांच्या टेबलवरील राजदंड पळविण्याचा प्रयत्न झाला. त्यामुळे सभागृहातील वातावरण तापल्याने सभागृहाचे कामकाज दोनदा तहकूब करण्यात आले.
'मुळ विषय पत्रिकेतील कामकाज बाजूला पडून सभागृहात 'भलते'च विषय काढले जातात,' असं वक्तव्य अतुल भातखळकर यांनी केलं होतं. त्यामुळे सभागृहातील वातावरण तापलं. शिवसेना, काँग्रेस आणि राष्ट्रवादीने भातखळकरांच्या या विधानाचा तीव्र शब्दांत निषेध नोंदवत भातखळकरांच्या निलंबनाची मागणी केली. भातखळकरांना शिवाजी महाराजांच्या स्मारकाचा विषय 'भलता' वाटतो काय? असा सवाल करत विरोधकांनी भाजपला घेरण्याचा प्रयत्न केला. शिवसेना, काँग्रेस आणि राष्ट्रवादीचे सदस्यांनी वेलमध्ये उतरून भाजपविरोधात घोषणाबाजी सुरू केली. त्यामुळे सेना-भाजप आमदारांमध्ये वादावादी झाली. यावेळी गृहनिर्माण राज्यमंत्री रवींद्र वायकरही संतापले.
यावेळी विरोधकांनी वेलमध्ये ठिय्या आंदोलन करत भातखळकरांच्या निलंबनाची मागणी केली. त्यानंतर काही सदस्यांनी विधानसभा अध्यक्ष हरिभाऊ बागडे यांच्यासमोरील राजदंड पळविण्याचा प्रयत्न केला. त्यामुळे सभागृहाचं कामकाज दोनदा तहकूब करण्यात आलं. त्यानंतर विरोधकांनी विधानभवनाबाहेर येऊन जोरदार घोषणाबाजी करत भाजपवर टीका केली.
भाजप सरकार मनुवादी
दरम्यान, अतुल भातखळकर यांनी शिवाजी महाराजांबद्दल भलता शब्द वापरून महाराजांचा अवमान केला आहे. त्यामुळे भातखळकरांना निलंबित करण्यात यावं, अशी मागणी करतानाच भाजप सरकार मनुवादी आहे, अशी टीका राष्ट्रवादीचे ज्येष्ठ नेते अजित पवार यांनी केली. तर मनुवादी या शब्दावर आक्षेप घेत अर्थमंत्री सुधीर मुनगंटीवार यांनी हा शब्द कामकाजातून काढून टाकण्याची विधानसभा अध्यक्षांकडे मागणी केली.
तो शब्द प्रयोग चव्हाणांसाठी
भलता या शब्दावरून विरोधक आक्रमक झाल्याने अतुल भातखळकर यांनी हा शब्द मागे घेत दिलगिरी व्यक्त केली. 'शिवाजी महाराज आमचं दैवत आहे. त्यांच्याबद्दल मी कोणताही कसलाही शब्द प्रयोग केला नाही. भलता हा शब्द माजी मुख्यमंत्री पृथ्वीराज चव्हाण यांच्याबद्दल वापरला होता. तरीही विरोधकांचा गैरसमज झाला असेल तर तो शब्द मागे घेतो. माझं विधान मी शंभर टक्के मागे घेतो,' असं भातखळकर यांनी विधानसभेत स्पष्ट केलं. मात्र तरीही समाधान न झाल्याने विरोधकांनी सभागृहातील कामकाज रोखून धरलं होतं.