मेट्रोच्या कामादरम्यान मजूर बचावला

नागपूर : अजनी रेल्वेस्टेशनजवळ शनिवारी मेट्रो रेल्वेच्या पिअलच्या पायलिंगचे काम सुरू असताना अचानक माती खचायला सुरुवात झाली. पाणी आणि माती यामुळे चिखलात मजूर अडकला होता.

दहा मिनिटे मजूर यात अडकल्याने तो किरकोळ जखमी झाला. मजुराला सुखरूप बाहेर काढून उपचारासाठी शासकीय वैद्यकीय महाविद्यालय व रुग्णालयात (मेडिकल) दाखल करण्यात आले असल्याचे महामेट्रोकडून सांगण्यात आले.