म.टा. प्रतिनिधी, नागपूर
लोहारपुरा येथील बद्रीनाथ मंदिराच्या वार्षिक उत्सवानिमित्त ६ आणि ७ मे रोजी रथयात्रा व पट महोत्सवाचे आयोजन करण्यात आले आहे.
६ मे रोजी सायंकाळी ५ वाजता रथयात्रेला सुरुवात होणार आहे. बद्रीनारायण मंदिर,लोहारपुरा, लोधीपुरा, बाजपेई मंदिर, नन्नूमल बिल्डींग, नागोबा मंदिर, एम्प्रेस मॉल, कटपीस चाळ, रेल्वे स्टेशन- संत्रा मार्केट, केळ मार्केट, बजेरिया चौक, परदेशी तेलिपुरा, दोसर भवन चौक, सरस्वती तिवारी कन्या शाळा या मार्गाने ही रथयात्रा निघणार आहे. माधवदास महाराज, महेशगिरी महाराज, स्वामी निर्मलानंद, महंत ठाकूर मोहनदास यांच्या हस्ते यावेळी विविध धार्मिक कार्यक्रम पार पडणार आहे. यावेळी पोलिस आयुक्त डॉ. भूषणकुमार उपाध्याय, महामेट्रोचे व्यवस्थापकीय संचालक ब्रिजेश दीक्षित, माजी खासदार अजय संचेती, आमदार विकास कुंभारे, गिरीश व्यास, माजी पोलिस आयुक्त टी. सिंगारवेल आदी उपस्थित राहणार आहेत. रथयात्रेत लेझीम पथक, धर्म ध्वजा पथक, सिंधी सेज पथक, शिवसंग्राम ढोलताशा पथक, प्रतिहारी दल, डोक्यावर कळस घेऊन चालणाऱ्या मुली, इस्कॉन भजन मंडळ, बद्रिविशाल महिला भजन मंडळाचा समावेश असणार आहे.
अक्षय तृतीयेला ७ मे रोजी सकाळी ६ वाजून ५ मिनिटांनी बद्रीनाथ यांचे कपाट दर्शनासाठी उघडण्यात येणार आहे. केंद्रीय मंत्री नितीन गडकरी यांच्या हस्ते हा पूजाविधी पार पडणार आहे. धर्म ध्वजाचे यावेळी ध्वजारोहण करण्यात येणार असल्याचे ब्रजभूषण शुक्ला यांनी सांगितले.
-----------------------------------------