म.टा. विशेष प्रतिनिधी, नागपूर
भारतीय जनता पक्षाने उपराजधानीत तब्बल पावणेदोनशे ठिकाणी वीजबिलांची होळी करून महाविकास आघाडी सरकारचा निषेध केला. नागपुरात शहराध्यक्ष आमदार प्रवीण दटके यांच्या नेतृत्वाखाली तर, ग्रामीणमध्ये प्रदेश सरचिटणीस चंद्रशेखर बावनकुळे यांच्या नेतृत्वाखाली सोमवारी आंदोलन करण्यात आले.
करोना काळातील वीजबिलांबाबत सर्वसामान्यांनी तक्रारी करताच भाजपसह अन्य पक्ष व संघटनांनी हा मुद्दा ऐरणीवर आणला. आम आदमी पक्ष, विदर्भ राज्य आंदोलन समिती, महाराष्ट्र नवनिर्माण सेनेने या वाढीव वीजबिलांविरोधात आवाज उठवला. भाजपने तर बुथ पातळीपर्यंत नऊ आंदोलने केली.
'ठाकरे सरकार मुर्दाबाद', 'नितीन राऊत मुर्दाबाद', 'नही चलेगी नही चलेगी, तानाशाही नही चलेगी', 'भारतमाता की जय', 'नितीन राऊत होश मे आओ, नागरिकों को न्याय दो' अशा घोषणा देत पक्षाचे नेते, पदाधिकारी व कार्यकर्ते रस्त्यावर आले. शहरातील वीज उपकेंद्र, महावितरणची कार्यालये, प्रमुख चौक, मोहल्ल्यांत वीजबिलांची होळी करण्यात आली. प्रत्येक मंडळ अर्थात विधानसभा मतदारसंघात २५ ते ३० ठिकाणी आंदोलन करण्यात आले.
महाविकास आघाडी सरकारने सत्तेत येताच 'गरीब, मध्यमवर्गीयांचे शंभर युनिट माफ करू', असे जाहीर केले. करोनाचा काळ आला. मार्च ते जून-जुलैपर्यंत लॉकडाउन, मीटरचे फोटो घेतले नाही आणि २०१९च्या बिलांची सरासरी पाठवली. लॉकडाउनमध्ये धंदे, व्यवसाय बंद होते, कुलर पंखेही बंद होते. सरकारी बिल चुकीचे आहे. २ हजारांऐवजी २० हजार रुपये बिल आले. शंभर युनिट मोफतची घोषणा पूर्ण करावी, चुकीचे बिल पाठवून कनेक्शन कापण्याचा प्रयत्न केल्यास पक्षाचे कार्यकर्ते त्यास विरोध करतील', असे प्रवीण दटके यांनी माध्यमांशी बोलताना सांगितले.
विजेच्या थकबाकीची सरकारने कोणत्याही यंत्रणेमार्फत तत्काळ चौकशी करावी. परंतु, आधी सर्वसामान्यांचे वीजबिल माफ करावे आणि दिलेले आश्वासन पाळावे, अन्यथा ग्राहकांना दिलासा मिळत नाही, तोपर्यंत आंदोलन कायम राहील, असा इशारा चंद्रशेखर बावनकुळे यांनी दिला.
आंदोलनात खासदार डॉ. विकास महात्मे, आमदार गिरीश व्यास, प्रा. अनिल सोले, कृष्णा खोपडे, मोहन मते, विकास कुंभारे, सुधाकर देशमुख, सुधाकर कोहळे यांच्यासह धर्मपाल मेश्राम, देवेन दस्तुरे, संजय अवचट, किशोर वानखेडे, विनोद कन्हेरे, किशोर पलांदूरकर, अर्चना डेहनकर, अश्विनी जिचकार, दयाशंकर तिवारी, गिरीश देशमुख, प्रमोद पेंडके, श्रीकांत आगलावे, मीनाक्षी तेलगोटे, माया हाडे, जयश्री वाडीभस्मे, नंदा जिचकार, रवी पाटील, अमित पुजारी, विशाखा मोहोड, भूषण केसरकर, अविनाश ठाकरे, जे. पी. शर्मा, कांता रारोकर, मनोज चापले, सचिन करारे, शिवानी दाणी, पारेंद्र पटले, परशु ठाकूर, योगेश कासार, वंदना भगत, भारती बुंदे, धीरज चव्हाण, मुकेश काळे, जितेंद्र चांदुरकर, हरीश कंगाली अमित पाठक, उज्ज्वला शर्मा, मुकेश मेहाडिया, प्रसन्ना पात्रीकर, संजय देशमुख आदी सहभागी झाले होते.
मनसेचा गुरुवारी मोर्चा
नागपूर : 'वीजबिल कमी झाले पाहिजे', या मागणीसाठी महाराष्ट्र नवनिर्माण सेनेच्यावतीने येत्या गुरुवारी जिल्हाधिकारी कार्यालयावर जनआक्रोश मोर्चा काढण्यात येणार आहे. मनसेचे सर्वसर्वा राज ठाकरे यांनी वीजबिलांवरून राज्य सरकारविरोधात आंदोलनाचा इशारा दिला. यानंतर भाजपनेही आंदोलनाची घोषणा करून सोमवारी बिलाची होळी केली. मनसेच्यावतीने मोर्चाची जय्यत तयारी करण्यात येत आहे. नागपूरसह राज्याच्या विविध भागांत पक्षाकडून आंदोलन करण्यात येणार आहे. शहरात प्रदेश सरचिटणीस हेमंत गडकरी व शहराध्यक्ष अजय ढोके यांच्या नेतृत्वाखाली गुरुवारी सकाळी १० वाजता संविधान चौकातून जिल्हाधिकारी कार्यालयात मोर्चाद्वारे धडक देण्यात येईल.
भारतीय जनता पक्षाने उपराजधानीत तब्बल पावणेदोनशे ठिकाणी वीजबिलांची होळी करून महाविकास आघाडी सरकारचा निषेध केला. नागपुरात शहराध्यक्ष आमदार प्रवीण दटके यांच्या नेतृत्वाखाली तर, ग्रामीणमध्ये प्रदेश सरचिटणीस चंद्रशेखर बावनकुळे यांच्या नेतृत्वाखाली सोमवारी आंदोलन करण्यात आले.
करोना काळातील वीजबिलांबाबत सर्वसामान्यांनी तक्रारी करताच भाजपसह अन्य पक्ष व संघटनांनी हा मुद्दा ऐरणीवर आणला. आम आदमी पक्ष, विदर्भ राज्य आंदोलन समिती, महाराष्ट्र नवनिर्माण सेनेने या वाढीव वीजबिलांविरोधात आवाज उठवला. भाजपने तर बुथ पातळीपर्यंत नऊ आंदोलने केली.
'ठाकरे सरकार मुर्दाबाद', 'नितीन राऊत मुर्दाबाद', 'नही चलेगी नही चलेगी, तानाशाही नही चलेगी', 'भारतमाता की जय', 'नितीन राऊत होश मे आओ, नागरिकों को न्याय दो' अशा घोषणा देत पक्षाचे नेते, पदाधिकारी व कार्यकर्ते रस्त्यावर आले. शहरातील वीज उपकेंद्र, महावितरणची कार्यालये, प्रमुख चौक, मोहल्ल्यांत वीजबिलांची होळी करण्यात आली. प्रत्येक मंडळ अर्थात विधानसभा मतदारसंघात २५ ते ३० ठिकाणी आंदोलन करण्यात आले.
महाविकास आघाडी सरकारने सत्तेत येताच 'गरीब, मध्यमवर्गीयांचे शंभर युनिट माफ करू', असे जाहीर केले. करोनाचा काळ आला. मार्च ते जून-जुलैपर्यंत लॉकडाउन, मीटरचे फोटो घेतले नाही आणि २०१९च्या बिलांची सरासरी पाठवली. लॉकडाउनमध्ये धंदे, व्यवसाय बंद होते, कुलर पंखेही बंद होते. सरकारी बिल चुकीचे आहे. २ हजारांऐवजी २० हजार रुपये बिल आले. शंभर युनिट मोफतची घोषणा पूर्ण करावी, चुकीचे बिल पाठवून कनेक्शन कापण्याचा प्रयत्न केल्यास पक्षाचे कार्यकर्ते त्यास विरोध करतील', असे प्रवीण दटके यांनी माध्यमांशी बोलताना सांगितले.
विजेच्या थकबाकीची सरकारने कोणत्याही यंत्रणेमार्फत तत्काळ चौकशी करावी. परंतु, आधी सर्वसामान्यांचे वीजबिल माफ करावे आणि दिलेले आश्वासन पाळावे, अन्यथा ग्राहकांना दिलासा मिळत नाही, तोपर्यंत आंदोलन कायम राहील, असा इशारा चंद्रशेखर बावनकुळे यांनी दिला.
आंदोलनात खासदार डॉ. विकास महात्मे, आमदार गिरीश व्यास, प्रा. अनिल सोले, कृष्णा खोपडे, मोहन मते, विकास कुंभारे, सुधाकर देशमुख, सुधाकर कोहळे यांच्यासह धर्मपाल मेश्राम, देवेन दस्तुरे, संजय अवचट, किशोर वानखेडे, विनोद कन्हेरे, किशोर पलांदूरकर, अर्चना डेहनकर, अश्विनी जिचकार, दयाशंकर तिवारी, गिरीश देशमुख, प्रमोद पेंडके, श्रीकांत आगलावे, मीनाक्षी तेलगोटे, माया हाडे, जयश्री वाडीभस्मे, नंदा जिचकार, रवी पाटील, अमित पुजारी, विशाखा मोहोड, भूषण केसरकर, अविनाश ठाकरे, जे. पी. शर्मा, कांता रारोकर, मनोज चापले, सचिन करारे, शिवानी दाणी, पारेंद्र पटले, परशु ठाकूर, योगेश कासार, वंदना भगत, भारती बुंदे, धीरज चव्हाण, मुकेश काळे, जितेंद्र चांदुरकर, हरीश कंगाली अमित पाठक, उज्ज्वला शर्मा, मुकेश मेहाडिया, प्रसन्ना पात्रीकर, संजय देशमुख आदी सहभागी झाले होते.
मनसेचा गुरुवारी मोर्चा
नागपूर : 'वीजबिल कमी झाले पाहिजे', या मागणीसाठी महाराष्ट्र नवनिर्माण सेनेच्यावतीने येत्या गुरुवारी जिल्हाधिकारी कार्यालयावर जनआक्रोश मोर्चा काढण्यात येणार आहे. मनसेचे सर्वसर्वा राज ठाकरे यांनी वीजबिलांवरून राज्य सरकारविरोधात आंदोलनाचा इशारा दिला. यानंतर भाजपनेही आंदोलनाची घोषणा करून सोमवारी बिलाची होळी केली. मनसेच्यावतीने मोर्चाची जय्यत तयारी करण्यात येत आहे. नागपूरसह राज्याच्या विविध भागांत पक्षाकडून आंदोलन करण्यात येणार आहे. शहरात प्रदेश सरचिटणीस हेमंत गडकरी व शहराध्यक्ष अजय ढोके यांच्या नेतृत्वाखाली गुरुवारी सकाळी १० वाजता संविधान चौकातून जिल्हाधिकारी कार्यालयात मोर्चाद्वारे धडक देण्यात येईल.