शिवसैनिकांच्या मेळाव्यात गजानन कीर्तीकर यांची टीका, जनआंदोलनाचा इशारा
म. टा. विशेष प्रतिनिधी, नागपूर
सर्वसामान्यांच्या प्रश्नांकडे दुर्लक्ष करणाऱ्या भाजप मंत्र्यांना सत्तेचा माज चढला असल्याने शिवसैनिक आपल्या स्टाइलने त्यांना प्रत्युत्तर देईल, असा इशारा शिवसेनेचे पूर्वविदर्भ संपर्क नेते गजानन कीर्तीकर यांनी दिला. पूर्व विदर्भातील शिवसैनिकांच्या मेळाव्यात बोलताना कीर्तीकर यांनी थेट पंतप्रधान नरेंद्र मोदी यांच्यासह राज्यातील मंत्र्यांवर हल्ला चढवला. पूर्व नागपुरातील हार्दिक लॉनमध्ये झालेल्या मेळाव्यास खासदार आनंदराव अडसूळ, खासदार कृपाल तुमाने यांच्यासह विदर्भातील प्रमुख नेते उपस्थित होते.
भाजपमंत्र्यांना सत्तेचा माज चढला आहे. त्यामुळे नागरिकांच्या प्रश्नांकडे दुर्लक्ष करण्यात येत आहे. पंतप्रधानांचा व्यवहार हुकूमशहाहून कमी नाही. संसदेतून जाताना ते आजूबाजूला बघतही नाहीत. सदस्यांच्या अभिवादनाला प्रतिसादही देत नाहीत. परिणामी, सदस्यांनीदेखील त्यांना अभिवादन करणे बंद केले. मुख्यमंत्री देवेंद्र फडणवीस व केंद्रीय मंत्री नितीन गडकरी विकासाच्या गप्पा करीत असले तरी, सर्वसामान्यांसोबत भाजपच्या अन्य मंत्र्यांची वागणूक योग्य नाही. राज्याचे ऊर्जा व जिल्ह्याचे पालकमंत्री चंद्रशेखर बावनकुळे असो, नाही तर सामाजिक न्यायमंत्री राजकुमार बडोले यांचेही नागरिकांशी व्यवहार बरोबर नाही. असे सर्व मंत्री व नेत्यांविरोधात जनआंदोलन तीव्र करावे लागेल, असेही कीर्तीकर म्हणाले.
सर्वसामान्यांच्या प्रश्नांवर भाजप मंत्र्यांना जाब विचारण्यासाठी शिवसैनिक सज्ज झाले आहेत. नागरिकांच्या समस्या सोडवण्यासाठी शिवसेनास्टाइल आंदोलन उभारून मंत्र्यांना घेरण्यात येईल. सरकारी कार्यालये असो नाही तर, रस्त्यावरील आंदोलन, कार्यकर्ते मागे हटणार नाही, असा निर्धारही कीर्तीकर यांनी व्यक्त केला.
बुथपातळीवरील संघटनात्मक कामांचा अहवाल तयार करा. येत्या पंधरवड्यात कार्यकारिणी जाहीर करून पदाधिकाऱ्यांची जबाबदारी निश्चित करण्यात येईल, असेही कीर्तीकर म्हणाले. यावेळी जिल्हाप्रमुख प्रकाश जाधव, अनंत गुढे, शेखर सावरबांधे, सतीश हरडे, किशोर कुमेरिया, आशिष जयस्वाल, नरेंद्र भोंडेकर, मुकेश शिवहरे, सुधीर सूर्यवंशी, दिनेश शृंगारपवार आदी व्यासपीठावर उपस्थित होते. मेळाव्यास रविनीश पांडे, नितीन तिवारी, रामचरण दुबे, आरिफ काजी, पुरुषोत्तम द्विवेदी, निशा मुंडे, गुड्डू रहांगडाले आदींचे सहकार्य लाभले.
स्वगृही परतण्याची तयारी
पूर्व विदर्भाच्या संपर्क नेतेपदी गजानन कीर्तीकर यांच्या नियुक्तीनंतर गेल्या काही वर्षांपासून सक्रिय नसलेले व पक्ष सोडून गेलेले जुने शिवसैनिक स्वगृही परतण्याच्या तयारीत आहेत. मेळाव्याच्या स्थळी मुन्ना महाजन, गजानन कीर्तीकर, मिलिंद पुराणिक, धनराज फुसे अशा अनेक माजी पदाधिकाऱ्यांनी हजेरी लावली.
म. टा. विशेष प्रतिनिधी, नागपूर
सर्वसामान्यांच्या प्रश्नांकडे दुर्लक्ष करणाऱ्या भाजप मंत्र्यांना सत्तेचा माज चढला असल्याने शिवसैनिक आपल्या स्टाइलने त्यांना प्रत्युत्तर देईल, असा इशारा शिवसेनेचे पूर्वविदर्भ संपर्क नेते गजानन कीर्तीकर यांनी दिला. पूर्व विदर्भातील शिवसैनिकांच्या मेळाव्यात बोलताना कीर्तीकर यांनी थेट पंतप्रधान नरेंद्र मोदी यांच्यासह राज्यातील मंत्र्यांवर हल्ला चढवला. पूर्व नागपुरातील हार्दिक लॉनमध्ये झालेल्या मेळाव्यास खासदार आनंदराव अडसूळ, खासदार कृपाल तुमाने यांच्यासह विदर्भातील प्रमुख नेते उपस्थित होते.
भाजपमंत्र्यांना सत्तेचा माज चढला आहे. त्यामुळे नागरिकांच्या प्रश्नांकडे दुर्लक्ष करण्यात येत आहे. पंतप्रधानांचा व्यवहार हुकूमशहाहून कमी नाही. संसदेतून जाताना ते आजूबाजूला बघतही नाहीत. सदस्यांच्या अभिवादनाला प्रतिसादही देत नाहीत. परिणामी, सदस्यांनीदेखील त्यांना अभिवादन करणे बंद केले. मुख्यमंत्री देवेंद्र फडणवीस व केंद्रीय मंत्री नितीन गडकरी विकासाच्या गप्पा करीत असले तरी, सर्वसामान्यांसोबत भाजपच्या अन्य मंत्र्यांची वागणूक योग्य नाही. राज्याचे ऊर्जा व जिल्ह्याचे पालकमंत्री चंद्रशेखर बावनकुळे असो, नाही तर सामाजिक न्यायमंत्री राजकुमार बडोले यांचेही नागरिकांशी व्यवहार बरोबर नाही. असे सर्व मंत्री व नेत्यांविरोधात जनआंदोलन तीव्र करावे लागेल, असेही कीर्तीकर म्हणाले.
सर्वसामान्यांच्या प्रश्नांवर भाजप मंत्र्यांना जाब विचारण्यासाठी शिवसैनिक सज्ज झाले आहेत. नागरिकांच्या समस्या सोडवण्यासाठी शिवसेनास्टाइल आंदोलन उभारून मंत्र्यांना घेरण्यात येईल. सरकारी कार्यालये असो नाही तर, रस्त्यावरील आंदोलन, कार्यकर्ते मागे हटणार नाही, असा निर्धारही कीर्तीकर यांनी व्यक्त केला.
बुथपातळीवरील संघटनात्मक कामांचा अहवाल तयार करा. येत्या पंधरवड्यात कार्यकारिणी जाहीर करून पदाधिकाऱ्यांची जबाबदारी निश्चित करण्यात येईल, असेही कीर्तीकर म्हणाले. यावेळी जिल्हाप्रमुख प्रकाश जाधव, अनंत गुढे, शेखर सावरबांधे, सतीश हरडे, किशोर कुमेरिया, आशिष जयस्वाल, नरेंद्र भोंडेकर, मुकेश शिवहरे, सुधीर सूर्यवंशी, दिनेश शृंगारपवार आदी व्यासपीठावर उपस्थित होते. मेळाव्यास रविनीश पांडे, नितीन तिवारी, रामचरण दुबे, आरिफ काजी, पुरुषोत्तम द्विवेदी, निशा मुंडे, गुड्डू रहांगडाले आदींचे सहकार्य लाभले.
स्वगृही परतण्याची तयारी
पूर्व विदर्भाच्या संपर्क नेतेपदी गजानन कीर्तीकर यांच्या नियुक्तीनंतर गेल्या काही वर्षांपासून सक्रिय नसलेले व पक्ष सोडून गेलेले जुने शिवसैनिक स्वगृही परतण्याच्या तयारीत आहेत. मेळाव्याच्या स्थळी मुन्ना महाजन, गजानन कीर्तीकर, मिलिंद पुराणिक, धनराज फुसे अशा अनेक माजी पदाधिकाऱ्यांनी हजेरी लावली.