यवतमाळ : अवैध सावकारीप्रकरणात आरोपीला सर्व प्रकरणातून सोडविण्यासाठी ५० हजारांची लाच घेतल्याप्रकरणी महागावचे सहकार अधिकारी दिगंबर उत्तमराव खुरसडे यांना गुरुवारी एसीबीच्या पथकाने अटक केली. महागाव तालुक्यातील अवैध सावकारी प्रकरणात एका व्यक्तीवर सहकार विभागाने कारवाई केली होती. या प्रकरणातून अवैध सावकारीच्या तक्रारी संबंधाने त्याची बाजू सुरक्षित करून प्रकरण मिटविण्यासाठी सहकार अधिकारी खुरसडे यांनी तीन लाखाची मागणी केली होती. शेवटी तडजोड होऊन एक लाख देण्याचे ठरले. त्यातील ५० हजारांचा पहिला हफ्ता व काम झाल्यावर ५० हजारांचा दुसरा हफ्ता देण्याचे ठरले. दरम्यान, अवैध सावकारी प्रकरणात अडकलेल्या व्यक्तीने एसीबीकडे याबाबत सहकार अधिकाऱ्याविरोधात तक्रार दाखल केली. तक्रार दाखल होताच एसीबीचे उपअधीक्षक राजेश मुळे व त्यांच्या पथकाने सहकारी संस्था कार्यालय कार्यालयाच्या परिसरात सापळा रचला व ५० हजारांची लाच घेताना खुरसडे यांना ताब्यात घेतले.
लाचखोर सहकार अधिकारी अटकेत
अवैध सावकारीप्रकरणात आरोपीला सर्व प्रकरणातून सोडविण्यासाठी ५० हजारांची लाच घेतल्याप्रकरणी महागावचे सहकार अधिकारी दिगंबर उत्तमराव खुरसडे यांना ...
महाराष्ट्र टाइम्स.कॉम 28 Feb 2020, 4:00 am