नागपूर : विद्यार्थ्याला बारावी परीक्षेचे प्रवेशपत्र देण्यासाठी दोन हजारांची लाच घेणारे गुरूनानक हायस्कूल व ज्युनिअर कॉलेजचे लिपिक कुलदीपसिंग हरभजसिंग (४३ रा.नारी रोड) यांना लाचलुचपत प्रतिबंधक विभागाने मंगळवारी अटक केली. या कारवाईमुळे शैक्षणिक वर्तुळात प्रचंड खळबळ उडाली आहे. कुलदीपसिंग हे वरिष्ठ लिपिक आहेत. बुधवारपासून बारावीची परीक्षा सुरू होणार आहे. एका विद्यार्थ्याचे कॉलेज शुल्क शिल्लक होते. कुलदीपसिंग यांनी विद्यार्थ्याला आठ हजार रुपयांची मागणी केली. सहा हजार रुपये जमा केल्याची पावती देईल, असे त्यांनी विद्यार्थ्याला सांगितले. कुलदीपसिंग यांनी दोन हजार रुपयांची लाच मागितली. विद्यार्थ्याने लाचलुचपत प्रतिबंधक विभागाकडे तक्रार केली. अधीक्षक पी.आर.पाटील यांच्या मार्गदर्शनाखाली निरीक्षक मोनाली चौधरी, शिपाई दीप्ती मोटघरे, शलिनी जांभूळकर, लक्ष्मण परतेकी, शिशुपाल वानखेडे यांनी बेझनबागमधील महाविद्यालयात सापळा रचला. कुलदीपसिंग यांनी लाच घेताच एसीबीच्या पथकाने त्यांना अटक केली. बुधवारी कुलदीपसिंग यांना न्यायालयात हजर करण्यात येईल.
परीक्षेच्या प्रवेशप्रत्रासाठी लाच
विद्यार्थ्याला बारावी परीक्षेचे प्रवेशपत्र देण्यासाठी दोन हजारांची लाच घेणारे गुरूनानक हायस्कूल व ज्युनिअर कॉलेजचे लिपिक कुलदीपसिंग हरभजसिंग (४३ रा.नारी रोड) यांना लाचलुचपत प्रतिबंधक विभागाने मंगळवारी अटक केली.
Maharashtra Times 21 Feb 2018, 4:29 pm