म. टा. प्रतिनिधी, नागपूर
उच्चदाबाच्या वीजवाहिन्यांच्या संपर्कात येऊन पियुष व प्रियांश संजय धर या ११ वर्षीय जुळ्या भावंडांच्या मृत्यूप्रकरणी अखेर नागपूर येथील जरीपटका पोलिसांनी २२ दिवसांनंतर सदोष मनुष्यवधाचा गुन्हा दाखल करून आरमोर्स बिल्डर्सच्या संचालकाला अटक केली. आनंद नारायणराव खोब्रागडे (४६) असे बिल्डरचे नाव आहे.
आनंद याने सुगतनगर भागात दहा वर्षांपूर्वी आरमोर्स टाऊन सिटी तयार केली. यात पियुषची मावशी रिंकू समीर दा यांचे घर आहे. दोघे जुळे भाऊ मावशीकडे गेले असताना ३१ मे रोजी झाडावर अडकलेला चेंडू काढताना दोघे वीजवाहिनीच्या संपर्कात येऊन गंभीररित्या होरपळले. खासगी रुग्णालयात उपचारादरम्यान त्यांचा मृत्यू झाला. या प्रकरणात पोलिसांनी कोणतीही कारवाई न केल्याने परिसरातील नागरिकांनी रोष व्यक्त केला होता. अखेर जरीपटका पोलिसांनी गुन्हा दाखल करून आनंद याला अटक केली.
बांधकाम परवानगी देणारेही रडारवर
उच्चदाब वीज वाहिनीजवळ बांधकामास परवानगी देऊ नये, असा कायदा आहे. मात्र, त्याकडे दुर्लक्ष करून महापालिकेच्या नगररचना विभागातील अधिकारी व कर्मचाऱ्यांनी आरमोर्स टाऊन सिटी बांधण्यासाठी परवानगी दिली होती. त्यामुळे तत्कालीन अधिकारी व कर्मचारीही पोलिसांच्या रडारवर आले आहेत.
उच्चदाबाच्या वीजवाहिन्यांच्या संपर्कात येऊन पियुष व प्रियांश संजय धर या ११ वर्षीय जुळ्या भावंडांच्या मृत्यूप्रकरणी अखेर नागपूर येथील जरीपटका पोलिसांनी २२ दिवसांनंतर सदोष मनुष्यवधाचा गुन्हा दाखल करून आरमोर्स बिल्डर्सच्या संचालकाला अटक केली. आनंद नारायणराव खोब्रागडे (४६) असे बिल्डरचे नाव आहे.
आनंद याने सुगतनगर भागात दहा वर्षांपूर्वी आरमोर्स टाऊन सिटी तयार केली. यात पियुषची मावशी रिंकू समीर दा यांचे घर आहे. दोघे जुळे भाऊ मावशीकडे गेले असताना ३१ मे रोजी झाडावर अडकलेला चेंडू काढताना दोघे वीजवाहिनीच्या संपर्कात येऊन गंभीररित्या होरपळले. खासगी रुग्णालयात उपचारादरम्यान त्यांचा मृत्यू झाला. या प्रकरणात पोलिसांनी कोणतीही कारवाई न केल्याने परिसरातील नागरिकांनी रोष व्यक्त केला होता. अखेर जरीपटका पोलिसांनी गुन्हा दाखल करून आनंद याला अटक केली.
बांधकाम परवानगी देणारेही रडारवर
उच्चदाब वीज वाहिनीजवळ बांधकामास परवानगी देऊ नये, असा कायदा आहे. मात्र, त्याकडे दुर्लक्ष करून महापालिकेच्या नगररचना विभागातील अधिकारी व कर्मचाऱ्यांनी आरमोर्स टाऊन सिटी बांधण्यासाठी परवानगी दिली होती. त्यामुळे तत्कालीन अधिकारी व कर्मचारीही पोलिसांच्या रडारवर आले आहेत.