चंद्रपूर:
राज्यात वन्यजीवांच्या सुरक्षेचा मुद्दा ऐरणीवर आला असतानाच, चिमूर वनपरिक्षेत्रातील मेटेपार गावाजवळ वाघिणीसह तिचे दोन बछडे मृतावस्थेत आढळल्यानं खळबळ उडाली आहे. सोमवारी सकाळी ही घटना उघडकीस आली असून, त्यांचा मृत्यू कशामुळे झाला याचा शोध घेण्यात येत आहे.
मेटेपार गावालगतच्या तलावाजवळ काही जण सोमवारी सकाळी जांभळं तोडण्यासाठी गेले होते. त्यावेळी वाघीण आणि तिचे दोन बछडे मृतावस्थेत पडल्याचे त्यांनी पाहिले. दोन्ही बछडे साधारण आठ ते नऊ महिन्यांचे आहेत. ही माहिती परिसरात पसरताच, गावकऱ्यांनी मृत वाघीण आणि बछड्यांना पाहण्यासाठी मोठी गर्दी केली. काही ग्रामस्थांनी याबाबतची माहिती तरूण पर्यावरणवादी मंडळाला दिली. त्यांनी वन अधिकाऱ्यांना कळवले. वन अधिकारी आणि संस्थेचे कार्यकर्ते घटनास्थळी पोहोचले. त्यांनी पाहणी केली असता तेथून थोड्या अंतरावर एक चितळ मृतावस्थेत सापडले. वाघीण आणि बछड्यांचा मृत्यू नेमका कशामुळे झाला हे आताच सांगता येणार नाही. शवविच्छेदनानंतरच त्यांच्या मृत्यूचे नेमके कारण समोर येईल, असंही त्यांनी सांगितलं.
सखोल चौकशीचे वनमंत्र्यांचे आदेश
वाघीण आणि तिच्या दोन बछड्यांच्या मृत्यू प्रकरणाची सखोल चौकशी करण्याचे आदेश वनमंत्री सुधीर मुनगंटीवार यांनी दिले आहेत. शिकार झाली असल्यास सक्षम यंत्रणेद्वारे त्याचा तपास करावा आणि दोषींवर कडक कारवाई करावी; तसेच अशा घटनांची पुनरावृत्ती होऊ नये यादृष्टीने आवश्यक खबरदारी व उपाययोजना करण्याचे निर्देशही त्यांनी प्रधान मुख्य वनसंरक्षक (वन्यजीव) यांना दिले आहेत.
राज्यात वन्यजीवांच्या सुरक्षेचा मुद्दा ऐरणीवर आला असतानाच, चिमूर वनपरिक्षेत्रातील मेटेपार गावाजवळ वाघिणीसह तिचे दोन बछडे मृतावस्थेत आढळल्यानं खळबळ उडाली आहे. सोमवारी सकाळी ही घटना उघडकीस आली असून, त्यांचा मृत्यू कशामुळे झाला याचा शोध घेण्यात येत आहे.
मेटेपार गावालगतच्या तलावाजवळ काही जण सोमवारी सकाळी जांभळं तोडण्यासाठी गेले होते. त्यावेळी वाघीण आणि तिचे दोन बछडे मृतावस्थेत पडल्याचे त्यांनी पाहिले. दोन्ही बछडे साधारण आठ ते नऊ महिन्यांचे आहेत. ही माहिती परिसरात पसरताच, गावकऱ्यांनी मृत वाघीण आणि बछड्यांना पाहण्यासाठी मोठी गर्दी केली. काही ग्रामस्थांनी याबाबतची माहिती तरूण पर्यावरणवादी मंडळाला दिली. त्यांनी वन अधिकाऱ्यांना कळवले. वन अधिकारी आणि संस्थेचे कार्यकर्ते घटनास्थळी पोहोचले. त्यांनी पाहणी केली असता तेथून थोड्या अंतरावर एक चितळ मृतावस्थेत सापडले. वाघीण आणि बछड्यांचा मृत्यू नेमका कशामुळे झाला हे आताच सांगता येणार नाही. शवविच्छेदनानंतरच त्यांच्या मृत्यूचे नेमके कारण समोर येईल, असंही त्यांनी सांगितलं.
सखोल चौकशीचे वनमंत्र्यांचे आदेश
वाघीण आणि तिच्या दोन बछड्यांच्या मृत्यू प्रकरणाची सखोल चौकशी करण्याचे आदेश वनमंत्री सुधीर मुनगंटीवार यांनी दिले आहेत. शिकार झाली असल्यास सक्षम यंत्रणेद्वारे त्याचा तपास करावा आणि दोषींवर कडक कारवाई करावी; तसेच अशा घटनांची पुनरावृत्ती होऊ नये यादृष्टीने आवश्यक खबरदारी व उपाययोजना करण्याचे निर्देशही त्यांनी प्रधान मुख्य वनसंरक्षक (वन्यजीव) यांना दिले आहेत.