शिक्षकांच्या तब्येती तपासून घ्या
वैद्यकीय कारणे किंवा अपंगत्वाची कारणे देऊन निवडणुकीची कामे नाकारणाऱ्या शिक्षकांची वैद्यकीय तपासणी केली जावी. या तपासणीत हे शिक्षक वैद्यकीयदृष्ट्या सक्षम आढळल्यास त्यांच्यावर कारवाई केली जावी, अशा सक्त सूचना हिंगणा येथील तहसीलदारांनी केल्या आहेत. यासंदर्भात त्यांनी नागपूर जिल्ह्याच्या शिक्षणाधिकाऱ्यांना यासंदर्भात पत्रदेखील दिले आहे.
Maharashtra Times 20 Sep 2018, 4:12 am
म.टा. प्रतिनिधी, नागपूर
वैद्यकीय कारणे किंवा अपंगत्वाची कारणे देऊन निवडणुकीची कामे नाकारणाऱ्या शिक्षकांची वैद्यकीय तपासणी केली जावी. या तपासणीत हे शिक्षक वैद्यकीयदृष्ट्या सक्षम आढळल्यास त्यांच्यावर कारवाई केली जावी, अशा सक्त सूचना हिंगणा येथील तहसीलदारांनी केल्या आहेत. यासंदर्भात त्यांनी नागपूर जिल्ह्याच्या शिक्षणाधिकाऱ्यांना यासंदर्भात पत्रदेखील दिले आहे.
हिंगणा तालुक्यात ४१ ग्रामपंचायतींच्या सार्वत्रिक निवडणुका घेण्यात येत आहेत. २२३ मतदानकेंद्रांवर मतदान पार पाडण्यासाठी सुमारे १३०० मनुष्यबळाची आवश्यकता भासणार आहे. निवडणुकांसाठी शिक्षकांची सेवा घेण्यात येणार असून त्यांचे प्रथम प्रशिक्षण घेण्यात आले. त्यानंतर काही शिक्षकांनी वैद्यकीय कारणे देत निवडणुकीच्या कामातून वगळण्यात यावे अशी विनंती प्रशासनाकडे केली आहे. या कर्मचाऱ्यांनी वैद्यकीय कारणे देत निवडणूक सेवा देण्यात सक्षम नसल्याचे म्हटले आहे. मात्र, नियमित नोकरी करीत असताना केवळ निवडणुकीच्या कामासाठी मात्र ते सक्षम कसे नाहीत, असा सवाल हिंगणा तहसीलदारांनी प्राथमिक आणि माध्यमिक शिक्षणाधिकाऱ्यांना पाठविलेल्या पत्रात विचारले आहे. 'हे कर्मचारी सक्षम नसतील तर ते रोज सेवा कशी काय देऊ शकतात? या कर्मचाऱ्यांची सक्षमता तपासण्यासाठी वैद्यकीय तपासणी केली जावी', असेही या पत्रात नमूद करण्यात आले आहे.
...तर सेवा करा समाप्त!
वैद्यकीय तपासणीत हे शिक्षक शारीरिकदृष्ट्या सक्षम आढळले नाहीत तर त्यांच्या सेवा समाप्तीचा कायदेशीर निर्णय घेण्यात यावा. ते सक्षम असतील खोटी कारणे देऊन निवडणूक कामात कसूर करत असतील तर त्यांच्यावर निवडणूक कामात कसूर केल्याबद्दल फौजदारी कारवाई करणे न्यायोचित राहील. या कर्मचाऱ्यांची वैद्यकीय तपासणी वैद्यकीय मंडळामार्फत करून त्यांच्याबाबत योग्य तो निर्णय घ्यावा, अशा सूचना तहसीलदारांनी प्राथमिक आणि माध्यमिक शिक्षणाधिकाऱ्यांना केल्या आहेत. नागपूर जिल्ह्यातील जिल्हा परिषद शाळांमधील १२ शिक्षकांसंदर्भात या सूचना करण्यात आल्या आहेत.
वैद्यकीय कारणे किंवा अपंगत्वाची कारणे देऊन निवडणुकीची कामे नाकारणाऱ्या शिक्षकांची वैद्यकीय तपासणी केली जावी. या तपासणीत हे शिक्षक वैद्यकीयदृष्ट्या सक्षम आढळल्यास त्यांच्यावर कारवाई केली जावी, अशा सक्त सूचना हिंगणा येथील तहसीलदारांनी केल्या आहेत. यासंदर्भात त्यांनी नागपूर जिल्ह्याच्या शिक्षणाधिकाऱ्यांना यासंदर्भात पत्रदेखील दिले आहे.
हिंगणा तालुक्यात ४१ ग्रामपंचायतींच्या सार्वत्रिक निवडणुका घेण्यात येत आहेत. २२३ मतदानकेंद्रांवर मतदान पार पाडण्यासाठी सुमारे १३०० मनुष्यबळाची आवश्यकता भासणार आहे. निवडणुकांसाठी शिक्षकांची सेवा घेण्यात येणार असून त्यांचे प्रथम प्रशिक्षण घेण्यात आले. त्यानंतर काही शिक्षकांनी वैद्यकीय कारणे देत निवडणुकीच्या कामातून वगळण्यात यावे अशी विनंती प्रशासनाकडे केली आहे. या कर्मचाऱ्यांनी वैद्यकीय कारणे देत निवडणूक सेवा देण्यात सक्षम नसल्याचे म्हटले आहे. मात्र, नियमित नोकरी करीत असताना केवळ निवडणुकीच्या कामासाठी मात्र ते सक्षम कसे नाहीत, असा सवाल हिंगणा तहसीलदारांनी प्राथमिक आणि माध्यमिक शिक्षणाधिकाऱ्यांना पाठविलेल्या पत्रात विचारले आहे. 'हे कर्मचारी सक्षम नसतील तर ते रोज सेवा कशी काय देऊ शकतात? या कर्मचाऱ्यांची सक्षमता तपासण्यासाठी वैद्यकीय तपासणी केली जावी', असेही या पत्रात नमूद करण्यात आले आहे.
...तर सेवा करा समाप्त!
वैद्यकीय तपासणीत हे शिक्षक शारीरिकदृष्ट्या सक्षम आढळले नाहीत तर त्यांच्या सेवा समाप्तीचा कायदेशीर निर्णय घेण्यात यावा. ते सक्षम असतील खोटी कारणे देऊन निवडणूक कामात कसूर करत असतील तर त्यांच्यावर निवडणूक कामात कसूर केल्याबद्दल फौजदारी कारवाई करणे न्यायोचित राहील. या कर्मचाऱ्यांची वैद्यकीय तपासणी वैद्यकीय मंडळामार्फत करून त्यांच्याबाबत योग्य तो निर्णय घ्यावा, अशा सूचना तहसीलदारांनी प्राथमिक आणि माध्यमिक शिक्षणाधिकाऱ्यांना केल्या आहेत. नागपूर जिल्ह्यातील जिल्हा परिषद शाळांमधील १२ शिक्षकांसंदर्भात या सूचना करण्यात आल्या आहेत.