म.टा. प्रतिनिधी, नागपूर
राफेल विमान खरेदी कराराबाबत विरोधी पक्षांनी लावलेले सर्व आरोप खोटे होते, हे सर्वोच्च न्यायालयाच्या निकालानंतर स्पष्ट झाले आहे. त्यामुळे विरोधी पक्षांनी आता देशहितासाठी तरी या मुद्याचे राजकारण करू नये, असा टोला केंद्रीय रस्ते वाहतूक मंत्री नितीन गडकरी यांनी काँग्रेसचे नाव न घेता लगावला. गडकरी म्हणाले, देशाच्या संरक्षणासाठी राफेल विमान खरेदी आवश्यक होती. त्यानुसार केंद्राने करार केला. मात्र, विरोधी पक्षाने विमानांच्या किंमतीवरून रान उठवले. किंमत बरोबर असल्याचेही स्पष्ट झाले आहे. आता विरोधकांनी आरोपांना विराम देऊन राजकारण बंद करावे.