म.टा. प्रतिनिधी, नागपूर
धरमपेठ आणि गोकुळपेठ या भागांमध्ये रहदारी प्रचंड प्रमाणात वाढल्याने समस्या निर्माण होत आहेत. त्यावर तोडगा म्हणून वाहतूक शाखेने एक प्रयोग करण्याचे ठरविले आहे. वेस्ट हायकोर्ट रस्त्यावरील कॉफी हाउस चौक आणि टाइम्स स्क्वेअरपर्यंतचे ‘रोड कटींग’ बंद करण्यात आले आहे. याचाच अर्थ, लॉ कॉलेज चौकातून शंकरनगरकडे जाताना आणि येताना या दोन्ही चौकांतून उजवे वळण आणि ‘यू टर्न’ घेता येणार नाही.
लॉ कॉलेज चौक ते लक्ष्मीभुवन चौक या रस्त्यावर ज्या ठिकाणी दुभाजक नसतील, त्या जागी बॅरिकेड्स अथवा इतर पर्यायी साधनांनी रस्ता दुभाजक तयार करण्यात येतील. धरमपेठ आणि गोकुळपेठ या परिसराला विभागणाऱ्या वेस्ट हायकोर्ट रोडवरील रहदारी बरीच वाढली आहे. येथे वाहतुकीच्या समस्या निर्माण झाल्या आहेत. त्यामुळे वाहतूक पोलिसांनी लॉ कॉलेज ते लक्ष्मीभुवन चौक या परिसरातील काही भागांत चारचाकी वाहनांकरिता नो पार्किंग झोन करण्यात आला आहे. लॉ कॉलेज चौक ते शंकरनगर चौक यादरम्यान रस्त्याच्या दुतर्फा चारचाकी वाहने पार्क करता येणार नाहीत. तसेच लक्ष्मीभुवन चौक ते रामनगर चौकादरम्यानसुद्धा रस्त्याच्या दुतर्फा चारचाकी वाहनांकरिता ‘नो पार्किंग झोन’ करण्यात आला आहे. लॉ कॉलेज चौक ते शंकरनगर चौक यादरम्यान दुचाकीकरिता एकेरी बाजूने तर लक्ष्मीभुवन चौक ते रामनगर चौकादरम्यान दोन्ही बाजूंनी पार्किंगची परवानगी देण्यात आली आहे. चारचाकी वाहनांच्या पार्किंगकरिता कॅनल रोड, गोकुळपेठेतील काही रिकाम्या रस्त्याच्या बाजूची मोकळी जागा आणि रामनगर चौकातील राममंदिरामागील एनआयटीच्या मोकळ्या मैदानात पार्किंगकरिता परवानगी देण्यात आली आहे, अशी माहिती वाहतूक पोलिस शाखेचे उपायुक्त रवींद्रसिंह परदेशी यांनी दिली. ही व्यवस्था १७ ऑगस्ट ते १६ सप्टेंबर या कालावधीकरिताच असून, यादरम्यान नागरिकांनी दिलेल्या सूचनांचा विचार करण्यात येईल, असेही परदेशी यांनी सांगितले.
धरमपेठ आणि गोकुळपेठ या भागांमध्ये रहदारी प्रचंड प्रमाणात वाढल्याने समस्या निर्माण होत आहेत. त्यावर तोडगा म्हणून वाहतूक शाखेने एक प्रयोग करण्याचे ठरविले आहे. वेस्ट हायकोर्ट रस्त्यावरील कॉफी हाउस चौक आणि टाइम्स स्क्वेअरपर्यंतचे ‘रोड कटींग’ बंद करण्यात आले आहे. याचाच अर्थ, लॉ कॉलेज चौकातून शंकरनगरकडे जाताना आणि येताना या दोन्ही चौकांतून उजवे वळण आणि ‘यू टर्न’ घेता येणार नाही.
लॉ कॉलेज चौक ते लक्ष्मीभुवन चौक या रस्त्यावर ज्या ठिकाणी दुभाजक नसतील, त्या जागी बॅरिकेड्स अथवा इतर पर्यायी साधनांनी रस्ता दुभाजक तयार करण्यात येतील. धरमपेठ आणि गोकुळपेठ या परिसराला विभागणाऱ्या वेस्ट हायकोर्ट रोडवरील रहदारी बरीच वाढली आहे. येथे वाहतुकीच्या समस्या निर्माण झाल्या आहेत. त्यामुळे वाहतूक पोलिसांनी लॉ कॉलेज ते लक्ष्मीभुवन चौक या परिसरातील काही भागांत चारचाकी वाहनांकरिता नो पार्किंग झोन करण्यात आला आहे. लॉ कॉलेज चौक ते शंकरनगर चौक यादरम्यान रस्त्याच्या दुतर्फा चारचाकी वाहने पार्क करता येणार नाहीत. तसेच लक्ष्मीभुवन चौक ते रामनगर चौकादरम्यानसुद्धा रस्त्याच्या दुतर्फा चारचाकी वाहनांकरिता ‘नो पार्किंग झोन’ करण्यात आला आहे. लॉ कॉलेज चौक ते शंकरनगर चौक यादरम्यान दुचाकीकरिता एकेरी बाजूने तर लक्ष्मीभुवन चौक ते रामनगर चौकादरम्यान दोन्ही बाजूंनी पार्किंगची परवानगी देण्यात आली आहे. चारचाकी वाहनांच्या पार्किंगकरिता कॅनल रोड, गोकुळपेठेतील काही रिकाम्या रस्त्याच्या बाजूची मोकळी जागा आणि रामनगर चौकातील राममंदिरामागील एनआयटीच्या मोकळ्या मैदानात पार्किंगकरिता परवानगी देण्यात आली आहे, अशी माहिती वाहतूक पोलिस शाखेचे उपायुक्त रवींद्रसिंह परदेशी यांनी दिली. ही व्यवस्था १७ ऑगस्ट ते १६ सप्टेंबर या कालावधीकरिताच असून, यादरम्यान नागरिकांनी दिलेल्या सूचनांचा विचार करण्यात येईल, असेही परदेशी यांनी सांगितले.