नागपूर : विधानसभा निवडणुकीत मिळालेले यश आणि राज्यात सत्ता आल्यानंतर विश्वास उंचावलेल्या काँग्रेसने कन्हान-पिपरी नगर परिषदेच्या निवडणुकीची तयारी सुरू केली. जिल्हा परिषद निवडणुकीसोबतच कन्हान नगर परिषदेवरही पक्षाने लक्ष केंद्रीत केले आहे. कन्हान-पिपरी नगर परिषदेच्या येत्या ९ जानेवारी रोजी होणाऱ्या निवडणुकीसाठी काँग्रेसने इच्छुकांकडून अर्ज मागवले आहेत. कन्हान येथील पक्ष कार्यालयात आज, गुरुवारपासून अर्ज विक्री करण्यात येईल. अध्यक्षपदासाठी ५ हजार रुपये आणि नगरसेवकपदासाठी २ हजार व राखीव गटासाठी एक हजार रुपये शुल्कासह १५ डिसेंबरपर्यंत अर्ज जमा करावे, असे आवाहन जिल्हाध्यक्ष राजेंद्र मुळक यांनी केले आहे.
कन्हानसाठी काँग्रेस सज्ज
विधानसभा निवडणुकीत मिळालेले यश आणि राज्यात सत्ता आल्यानंतर विश्वास उंचावलेल्या काँग्रेसने कन्हान-पिपरी नगर परिषदेच्या निवडणुकीची तयारी सुरू केली...
महाराष्ट्र टाइम्स.कॉम 12 Dec 2019, 4:00 am