म. टा. वृत्तसेवा, गडचिरोली
येथील गोंडवाना विद्यापीठाचा आठवा दीक्षांत समारंभ २८ जानेवारीला चंद्रपुरातील वन प्रशासन, विकास व व्यवस्थापन प्रबोधिनीच्या सभागृहात आयोजित करण्यात आला होता. गडचिरोली जिल्हा युवक काँग्रेसने याविरोधात आंदोलन केले. विविध शिक्षक संघटनांनी विद्यापीठावर दबाव निर्माण केला. परिणामी चंद्रपुरात आयोजित हा दीक्षांत समारंभ रद्द करून गडचिरोलीतच घेण्यात येणार असल्याचे पत्रक विद्यापीठाने मंगळवारी काढले आहे.
गोंडवाना विद्यापीठाचा दीक्षांत सोहळा दरवर्षी गडचिरोलीमध्ये आयोजित केला जातो. यंदा हा सोहळा चंद्रपुरात घेण्याचे ठरविण्यात आले. कुलपती भगतसिंग कोश्यारी यांच्या अध्यक्षतेखाली हा सोहळा होणार होता. याविषयीची माहिती समोर येताच जिल्हा युवक काँग्रेसने आंदोलन करून कार्यक्रम उधळण्याचा इशारा दिला होता. विद्यापीठ गडचिरोलीत असताना दीक्षांत समारंभ चंद्रपुरात आयोजित करण्याचे कारण काय, विद्यापीठ चंद्रपुरात हलविण्याचा कट रचला जातोय, असा आरोपही करण्यात आला होता. विविध शिक्षक संघटनांनीही निषेध नोंदविला. पालकमंत्री एकनाथ शिंदे यांना हा सोहळा चंद्रपुरात होत असल्याची बातमी समजल्यानंतर त्यांनी राज्याचे उच्च व तंत्रशिक्षण मंत्री उदय सामंत यांच्याशी दूरध्वनीवर संवाद साधून हा सोहळा चंद्रपुरात का घेण्यात येत आहे, अशी विचारणा केली. नंतर उदय सामंत यांनी विद्यापीठ प्रशासनाशी चर्चा करून सोहळा गडचिरोलीत घेण्यासंदर्भात प्रयत्न करणार असल्याचे स्पष्ट केले होते. आता हा कार्यक्रम २८ जानेवारीला गोंडवाना विद्यापीठ गडचिरोली येथेच होणार आहे.
दीक्षांत समारंभाचे अध्यक्ष म्हणून कुलपती राज्यपाल भगतसिंग कोश्यारी राहतील. तर प्रमुख अतिथी म्हणून नॅकचे संचालक डॉ. एस. सी. शर्मा, गोंडवाना विद्यापीठाचे प्रभारी कुलगुरू प्रा. श्रीनिवास वरखेडी व प्र-कुलगुरू डॉ. श्रीराम कावळे यांची ऑनलाइन उपस्थिती राहणार आहे, असे प्रभारी कुलसचिव डॉ. अनिल चिताडे यांनी पत्राद्वारे म्हटले आहे.
येथील गोंडवाना विद्यापीठाचा आठवा दीक्षांत समारंभ २८ जानेवारीला चंद्रपुरातील वन प्रशासन, विकास व व्यवस्थापन प्रबोधिनीच्या सभागृहात आयोजित करण्यात आला होता. गडचिरोली जिल्हा युवक काँग्रेसने याविरोधात आंदोलन केले. विविध शिक्षक संघटनांनी विद्यापीठावर दबाव निर्माण केला. परिणामी चंद्रपुरात आयोजित हा दीक्षांत समारंभ रद्द करून गडचिरोलीतच घेण्यात येणार असल्याचे पत्रक विद्यापीठाने मंगळवारी काढले आहे.
गोंडवाना विद्यापीठाचा दीक्षांत सोहळा दरवर्षी गडचिरोलीमध्ये आयोजित केला जातो. यंदा हा सोहळा चंद्रपुरात घेण्याचे ठरविण्यात आले. कुलपती भगतसिंग कोश्यारी यांच्या अध्यक्षतेखाली हा सोहळा होणार होता. याविषयीची माहिती समोर येताच जिल्हा युवक काँग्रेसने आंदोलन करून कार्यक्रम उधळण्याचा इशारा दिला होता. विद्यापीठ गडचिरोलीत असताना दीक्षांत समारंभ चंद्रपुरात आयोजित करण्याचे कारण काय, विद्यापीठ चंद्रपुरात हलविण्याचा कट रचला जातोय, असा आरोपही करण्यात आला होता. विविध शिक्षक संघटनांनीही निषेध नोंदविला. पालकमंत्री एकनाथ शिंदे यांना हा सोहळा चंद्रपुरात होत असल्याची बातमी समजल्यानंतर त्यांनी राज्याचे उच्च व तंत्रशिक्षण मंत्री उदय सामंत यांच्याशी दूरध्वनीवर संवाद साधून हा सोहळा चंद्रपुरात का घेण्यात येत आहे, अशी विचारणा केली. नंतर उदय सामंत यांनी विद्यापीठ प्रशासनाशी चर्चा करून सोहळा गडचिरोलीत घेण्यासंदर्भात प्रयत्न करणार असल्याचे स्पष्ट केले होते. आता हा कार्यक्रम २८ जानेवारीला गोंडवाना विद्यापीठ गडचिरोली येथेच होणार आहे.
दीक्षांत समारंभाचे अध्यक्ष म्हणून कुलपती राज्यपाल भगतसिंग कोश्यारी राहतील. तर प्रमुख अतिथी म्हणून नॅकचे संचालक डॉ. एस. सी. शर्मा, गोंडवाना विद्यापीठाचे प्रभारी कुलगुरू प्रा. श्रीनिवास वरखेडी व प्र-कुलगुरू डॉ. श्रीराम कावळे यांची ऑनलाइन उपस्थिती राहणार आहे, असे प्रभारी कुलसचिव डॉ. अनिल चिताडे यांनी पत्राद्वारे म्हटले आहे.