नागपुरात आणखी एक करोनाबळी

म. टा. प्रतिनिधी, नागपूर: करोना विषाणूचा विळखा विदर्भाभोवती वाढतच आहे. नागपुरात आज करोनाचे दोन रुग्ण सापडल्यानंतर चिंतेत भर पडली असतानाच, इंदिरा गांधी शासकीय वैद्यकीय महाविद्यालयात एका करोनाबाधित रुग्णाचा मृत्यू झाला. शहरातील हा दुसरा बळी आहे. तर विदर्भात याआधी ११ जणांचा करोनाच्या संसर्गानं मृत्यू झाला आहे. साधारण ८ आठवड्यांपूर्वी, बुधवारी ११ मार्च रोजी नागपुरात करोनाचा पहिला रुग्ण सापडला होता.

मोमीनपुरा येथे वास्तव्यास असलेल्या या ७० वर्षीय रुग्णाला १९ मार्चला करोनासदृश्य लक्षणे दिसून आल्यानं मेयोत उपचारासाठी दाखल करण्यात आले होते. त्यानंतर दोन दिवसांनी त्याचा अहवाल पॉझिटिव्ह आला होता. तेव्हापासून रुग्णावर मेयोच्या आयसोलेशन वॉर्डात उपचार सुरू होते. या रुग्णाला काही वर्षांपासून उच्च रक्तदाब आणि हृदयविकाराचा त्रासही होता. याच दरम्यान करोनामुळे श्वसनयंत्रणेवर ताण येऊन हृदयक्रिया बंद पडल्याने त्याचा मृत्यू झाला. या रुग्णाच्या मुलालाही करोनाची लागण झाल्याचे स्पष्ट झाल्याने त्याच्यावरही मेयोत उपचार सुरू आहेत. यापूर्वी ५ एप्रिलला सतरंजीपुरातील संशयिताचा मेयोत मृत्यू झाल्यानंतर त्याच्या घशातील स्त्राव नमुन्यांमध्ये करोनाचा अंश सापडला होता. तेव्हापासून नागपुरातील करोनाबाधितांची साखळी सतरंजीपुरात वाढत आहे.

रुग्णसंख्या १३५वर

नागपुरात करोनाचे आणखी दोन रुग्ण सापडले. त्यामुळं एकूण रुग्णसंख्या १३५ वर पोहोचली. ३० वर्षीय गरोदर महिलेसह सतरंजीपुरा येथील ४० वर्षीय व्यक्तीचे चाचणी अहवाल पॉझिटिव्ह आले आहेत.

'तो' ६ रुग्णालये फिरला, उपचाराअभावी गेला जीव

करोनामुक्त बेस्ट कर्मचाऱ्याचं जोरदार स्वागत

करोना झालेला लहानगा १२ तास नातेवाईकांसोबत