करोना: अकोला जिल्हा उद्यापासून 'लॉक डाउन'

अकोला: करोनाचा वाढता प्रादुर्भाव लक्षात घेऊन अकोला जिल्ह्यात खूप मोठे आणि महत्त्वाचे पाऊल टाकण्यात आले आहे. अकोला जिल्हा उद्यापासून तीन दिवस 'लॉक डाऊन' ठेवण्याचा निर्णय जिल्हा प्रशासनाने घेतला आहे.

औरंगाबादेतील करोनाग्रस्ताचा अहवाल निगेटिव्ह

मुंबई महानगर प्रदेश, पुणे, पिंपरी-चिंचवड आणि नागपूर अशा प्रमुख महानगरांमध्ये करोनाचा संसर्ग रोखण्यासाठी बंदी आदेश जारी करण्यात आला आहे. ही चारही प्रमुख महानगरं ३१ मार्चपर्यंत बंद राहणार आहेत. याच प्रमाणे अकोला जिल्ह्यात बंदी आदेश जारी करण्यात आला आहे.

मुंबईकरांनो, घरातच राहा! उद्या मेट्रो दिवसभर बंद

२२ ते २४ मार्च असे तीन दिवस अकोला जिल्हा बंद ठेवण्याचा निर्णय जिल्हाधिकारी जितेंद्र पापळकर यांनी घेतला असून त्याअनुशंगाने सर्व संबंधितांना निर्देश देण्यात आले आहेत. बंदी आदेशानुसार पुढील तीन दिवस जीवनावश्यक वस्तू वगळता इतर सर्व प्रकारचे व्यवहार बंद राहणार आहेत.

बळाचा वापर करायला लावू नका; मुंढेंची ताकीद

राज्यातील करोना रुग्णांची संख्या ६३वर

करोना व्हायरसनं राज्यात निर्माण झालेलं संकट अधिक गहिरं होताना दिसत आहे. राज्यातील करोना रुग्णांचा कालपर्यंत ५२ असलेला आकडा आज थेट ११ ने वाढून ६३ वर पोहोचला आहे. यात मुंबईतील दहा तर पुण्यातील एका रुग्णाचा समावेश आहे. आरोग्यमंत्री राजेश टोपे यांनी माध्यमांना राज्यातील सद्यस्थितीची माहिती दिली. 'महाराष्ट्र सध्या 'करोना'च्या दुसऱ्या टप्प्यात आहे. मात्र, परिस्थिती अशी कायम राहिल्यास चिंता वाढू शकते, असं टोपे म्हणाले. राज्यातील एकूण ६३ रुग्णांपैकी १४ लोकांना संसर्गातून करोनाची लागण झाली आहे. आज सापडलेल्या ११ रुग्णांपैकी आठ जण विदेशातून आले होते. तर, तिघांना संसर्गातून लागण झाल्याचं टोपे यांनी सांगितलं.