म. टा. वृत्तसेवा, भंडारा
महिला नगरसेविकेविरुद्ध अपात्रतेची कारवाई करण्याची तक्रार जिल्हाधिकाऱ्यांकडे करणाऱ्या युवकावर नगरसेविकेच्या पतीने हल्ला करून जबर मारहाण केली. यात युवक जखमी झाला. याप्रकरणी भंडारा पोलिसांनी नगरसेविकेचे पती राजकुमार व्यास रा. तकिया वॉर्ड, भंडारा याच्यावर गुन्हा नोंदवून अटक केली आहे.
रोशन गुलाबराव दहेलकर (२९) रा. शांतीनगर, तकिया वॉर्ड भंडारा असे जखमी युवकाचे नाव आहे. डिसेंबर २०१६मध्ये भंडारा नगर परिषदेची सार्वत्रिक निवडणूक पार पडली. यात प्रभाग क्रमांक ९मधून कल्पना राजकुमार व्यास या अपक्ष निवडून आल्या. फेब्रुवारी २०१७मध्ये नव्या पदाधिकाऱ्यांनी पदग्रहण केले. त्यानंतर नगरसेविका कल्पना व्यास यांनी निवडणूक आयोगाच्या नियमांचे भंग केल्याने त्यांच्यावर अपात्रतेची कारवाई करण्यात यावी, अशी तक्रार रोशन दहेलकर या युवकाने जिल्हाधिकाऱ्यांकडे केली. तेव्हापासून राजकुमार व्यास व रोशन दहेलकर यांच्यात वाद होता. तसेच या प्रकरणी जिल्हाधिकाऱ्यांनी दिलेल्या तारखेवर नगरसेविका व्यास यांना वेळोवेळी हजर राहावे लागत होते. याचा राग राजकुमार व्यास याच्या मनात होता. १७ जुलै रोजी रात्री ९ वाजताच्या सुमारास रोशन दहेलकर घरी असताना राजकुमार व्यास हा त्याच्या घरी गेला. धमकी देत जबर मारहाण केली. यात रोशन जखमी झाला. याप्रकरणी रोशनने भंडारा पोलिसात तक्रार दिली.
पोलिसांनी राजकुमार व्यास याच्याविरुद्ध भादंविच्या कलम ४५२, ३२३, ५०४, ५०६ अन्वये गुन्हा दाखल केला. मंगळवारी व्यास याला अटक करण्यात आली. घटनेचा तपास सहाय्यक फौजदार केवट करीत आहेत.
महिला नगरसेविकेविरुद्ध अपात्रतेची कारवाई करण्याची तक्रार जिल्हाधिकाऱ्यांकडे करणाऱ्या युवकावर नगरसेविकेच्या पतीने हल्ला करून जबर मारहाण केली. यात युवक जखमी झाला. याप्रकरणी भंडारा पोलिसांनी नगरसेविकेचे पती राजकुमार व्यास रा. तकिया वॉर्ड, भंडारा याच्यावर गुन्हा नोंदवून अटक केली आहे.
रोशन गुलाबराव दहेलकर (२९) रा. शांतीनगर, तकिया वॉर्ड भंडारा असे जखमी युवकाचे नाव आहे. डिसेंबर २०१६मध्ये भंडारा नगर परिषदेची सार्वत्रिक निवडणूक पार पडली. यात प्रभाग क्रमांक ९मधून कल्पना राजकुमार व्यास या अपक्ष निवडून आल्या. फेब्रुवारी २०१७मध्ये नव्या पदाधिकाऱ्यांनी पदग्रहण केले. त्यानंतर नगरसेविका कल्पना व्यास यांनी निवडणूक आयोगाच्या नियमांचे भंग केल्याने त्यांच्यावर अपात्रतेची कारवाई करण्यात यावी, अशी तक्रार रोशन दहेलकर या युवकाने जिल्हाधिकाऱ्यांकडे केली. तेव्हापासून राजकुमार व्यास व रोशन दहेलकर यांच्यात वाद होता. तसेच या प्रकरणी जिल्हाधिकाऱ्यांनी दिलेल्या तारखेवर नगरसेविका व्यास यांना वेळोवेळी हजर राहावे लागत होते. याचा राग राजकुमार व्यास याच्या मनात होता. १७ जुलै रोजी रात्री ९ वाजताच्या सुमारास रोशन दहेलकर घरी असताना राजकुमार व्यास हा त्याच्या घरी गेला. धमकी देत जबर मारहाण केली. यात रोशन जखमी झाला. याप्रकरणी रोशनने भंडारा पोलिसात तक्रार दिली.
पोलिसांनी राजकुमार व्यास याच्याविरुद्ध भादंविच्या कलम ४५२, ३२३, ५०४, ५०६ अन्वये गुन्हा दाखल केला. मंगळवारी व्यास याला अटक करण्यात आली. घटनेचा तपास सहाय्यक फौजदार केवट करीत आहेत.