नागपूर : म्हाळगीनगरातील तरूणीचा डेंग्यूसदृश्य आजाराने मृत्यू झाला. या घटनेमुळे आरोग्य विभागात खळबळ उडाली आहे. पूजा श्यामराव बारंगे (वय २४, रा. न्यू म्हाळगीनगर) असे मृतक मुलीचे नाव आहे. गेल्या महिनाभरात येथे नवीन १८ रुग्णांची नोंद झाली आहे. रविवारी भांडे प्लॉट येथील श्री रुग्णालयात या आजाराने तरुणीचा बळी गेल्याची प्राथमिक माहिती पुढे आली. महापालिकेच्या आरोग्य विभागाकडून मृतकाच्या एलायझा चाचणी अहवालानंतर तरूणीच्या मृत्यूचे नेमके कारण स्पष्ट होईल. सुत्रांनी दिलेल्या माहितीनुसार पूजा खासगी नोकरी करत होती. काही दिवसांपूर्वी तिला तापासह डेंग्यूसदृष्य आजाराने ग्रासले. डॉक्टरांनी प्राथमिक उपाचार केल्यानंतर प्रकृती खालावल्याने तिला श्री रुग्णालयात दाखल करण्यात आले होते. खासगी प्रयोगशाळेच्या तपासणीत तिच्या रक्तातील प्लेटलेट कमी झाल्याचे पुढे आहे. त्यामुळे तिला डेंग्यू असल्याचे प्राथमिक निदान झाले. मात्र यासंदर्भात शासकीय यंत्रणेने अद्याप कोणताही दुजोरा दिलेला नाही.
‘डेंग्यू’मुळे तरुणीचा बळी
म्हाळगीनगरातील तरूणीचा डेंग्यूसदृश्य आजाराने मृत्यू झाला या घटनेमुळे आरोग्य विभागात खळबळ उडाली आहे पूजा श्यामराव बारंगे (वय २४, रा...
महाराष्ट्र टाइम्स.कॉम 26 Aug 2019, 4:00 am