nitin.totewar@timesgroup.com
नागपूर : चार्टर विमान, चिक्की, डिग्री आणि भूखंड घोटाळा अशा 'सेल्फ गोल'ने झालेला प्रारंभ, महाराष्ट्राच्या इतिहासात पहिल्यांदाच झालेला शेतकऱ्यांचा संप, मराठा समाजाचे आदर्श आंदोलन, ट्रेनने पाणीपुरवठा करण्याइतपत झालेली भीषण पाणीटंचाई, अतिवृष्टी, अत्याचाराच्या घटनांसह विरोधकांचे हल्लाबोल व जनसंघर्ष यात्रेतून झालेले राजकीय हल्ले लीलया परतवून लावत महाराष्ट्राचे बाविसावे, युतीचे दुसरे आणि भाजपचे पहिले मुख्यमंत्री देवेंद्र फडणवीस यांनी युतीचे पहिले मुख्यमंत्री मनोहर'पंत' जोशी यांच्या विक्रमाची आज, १९ सप्टेंबर रोजी बरोबरी करीत आहेत.
विधानसभा निवडणुकीच्या वेळी 'केंद्रात नरेंद्र, राज्यात देवेंद्र' अशी घोषणा देत प्रचार झाला. विदर्भासह राज्यात यश मिळाल्यानंतर युतीच्या मदतीने मुख्यमंत्रिपदी देवेंद्र फडणवीस विराजमान झाले. युतीचे पहिले मुख्यमंत्री मनोहर जोशी यांचा कार्यकाळ १ हजार ४२० दिवसांचा होता. पुरोगामी राज्याचे मुख्यमंत्री देवेंद्र फडणवीस हे उद्या, गुरुवारी हा विक्रम मोडतील. मातोश्रीवर 'रिमोट कंट्रोल' असला तरी, मनोहर जोशी यांच्यावर होणारे वार शिवसेनाप्रमुख बाळासाहेब ठाकरे यांनी परतवून लावले. त्यामुळे विरोधकांना जशाच तसे उत्तर मिळायचे. पंतांसारखे कवच फडणवीस यांना लाभलेले नाही. ते पंतप्रधान नरेंद्र मोदी व भाजप अध्यक्ष अमित शहा यांच्या 'आँखो का तारा' मानले जात असले तरी राज्यातील संकटाचा 'सामना' तेच करीत आहेत. पुरोगामी महाराष्ट्रात देवेंद्र फडणवीसांनी पंतांच्या विक्रमाशी बरोबरी करणे ही महत्त्वाची घडामोड मानली जात आहे.
विदर्भातील चौथे सीएम
देवेंद्र फडणवीस विदर्भातील चवथे मुख्यमंत्री आहेत. राज्याचे दुसरे मुख्यमंत्री मारोतराव कन्नमवार यांना नोव्हेंबर १९६२ ते नोव्हेंबर १९६३ असा वर्षभराचा कार्यकाळ मिळाला. यानंतर तिसरे मुख्यमंत्री वसंतराव नाईक यांना तब्बल एक तपाचा कार्यकाळ लाभला. ५ डिसेंबर १९६३ ते २० फेब्रुवारी १९७५ या काळात त्यांनी मुख्यमंत्रिपद भूषविले. राज्याचे तेरावे आणि विदर्भातील तिसरे मुख्यमंत्री सुधाकरराव नाईक यांचा कार्यकाळ (२५ जून १९९१ ते २२ फेब्रुवारी १९९३) सुमारे दोन वर्षांचा होता. मुंबईत बॉम्बस्फोट व दंगलीनंतर त्यांच्या जागेवर तत्कालीन संरक्षण मंत्री शरद पवार दिल्लीहून परत आले.
मनोहर गजानन जोशी (शिवसेना) : १४ मार्च १९९५ ते ३१ जानेवारी १९९९
देवेंद्र गंगाधर फडणवीस (भाजप) : ३१ ऑक्टोबर २०१४पासून कार्यरत
युतीचे सत्तानेतृत्व सर्वाधिक काळ
नागपूर : चार्टर विमान, चिक्की, डिग्री आणि भूखंड घोटाळा अशा 'सेल्फ गोल'ने झालेला प्रारंभ, महाराष्ट्राच्या इतिहासात पहिल्यांदाच झालेला शेतकऱ्यांचा संप, मराठा समाजाचे आदर्श आंदोलन, ट्रेनने पाणीपुरवठा करण्याइतपत झालेली भीषण पाणीटंचाई, अतिवृष्टी, अत्याचाराच्या घटनांसह विरोधकांचे हल्लाबोल व जनसंघर्ष यात्रेतून झालेले राजकीय हल्ले लीलया परतवून लावत महाराष्ट्राचे बाविसावे, युतीचे दुसरे आणि भाजपचे पहिले मुख्यमंत्री देवेंद्र फडणवीस यांनी युतीचे पहिले मुख्यमंत्री मनोहर'पंत' जोशी यांच्या विक्रमाची आज, १९ सप्टेंबर रोजी बरोबरी करीत आहेत.
विधानसभा निवडणुकीच्या वेळी 'केंद्रात नरेंद्र, राज्यात देवेंद्र' अशी घोषणा देत प्रचार झाला. विदर्भासह राज्यात यश मिळाल्यानंतर युतीच्या मदतीने मुख्यमंत्रिपदी देवेंद्र फडणवीस विराजमान झाले. युतीचे पहिले मुख्यमंत्री मनोहर जोशी यांचा कार्यकाळ १ हजार ४२० दिवसांचा होता. पुरोगामी राज्याचे मुख्यमंत्री देवेंद्र फडणवीस हे उद्या, गुरुवारी हा विक्रम मोडतील. मातोश्रीवर 'रिमोट कंट्रोल' असला तरी, मनोहर जोशी यांच्यावर होणारे वार शिवसेनाप्रमुख बाळासाहेब ठाकरे यांनी परतवून लावले. त्यामुळे विरोधकांना जशाच तसे उत्तर मिळायचे. पंतांसारखे कवच फडणवीस यांना लाभलेले नाही. ते पंतप्रधान नरेंद्र मोदी व भाजप अध्यक्ष अमित शहा यांच्या 'आँखो का तारा' मानले जात असले तरी राज्यातील संकटाचा 'सामना' तेच करीत आहेत. पुरोगामी महाराष्ट्रात देवेंद्र फडणवीसांनी पंतांच्या विक्रमाशी बरोबरी करणे ही महत्त्वाची घडामोड मानली जात आहे.
विदर्भातील चौथे सीएम
देवेंद्र फडणवीस विदर्भातील चवथे मुख्यमंत्री आहेत. राज्याचे दुसरे मुख्यमंत्री मारोतराव कन्नमवार यांना नोव्हेंबर १९६२ ते नोव्हेंबर १९६३ असा वर्षभराचा कार्यकाळ मिळाला. यानंतर तिसरे मुख्यमंत्री वसंतराव नाईक यांना तब्बल एक तपाचा कार्यकाळ लाभला. ५ डिसेंबर १९६३ ते २० फेब्रुवारी १९७५ या काळात त्यांनी मुख्यमंत्रिपद भूषविले. राज्याचे तेरावे आणि विदर्भातील तिसरे मुख्यमंत्री सुधाकरराव नाईक यांचा कार्यकाळ (२५ जून १९९१ ते २२ फेब्रुवारी १९९३) सुमारे दोन वर्षांचा होता. मुंबईत बॉम्बस्फोट व दंगलीनंतर त्यांच्या जागेवर तत्कालीन संरक्षण मंत्री शरद पवार दिल्लीहून परत आले.
मनोहर गजानन जोशी (शिवसेना) : १४ मार्च १९९५ ते ३१ जानेवारी १९९९
देवेंद्र गंगाधर फडणवीस (भाजप) : ३१ ऑक्टोबर २०१४पासून कार्यरत
युतीचे सत्तानेतृत्व सर्वाधिक काळ