म.टा. प्रतिनिधी, नागपूर
शालेय पोषण आहार योजनेअंतर्गत आहार बनविण्याचे काम करणाऱ्या स्वयंपाकी व मदतनीसांना गेल्या दोन महिन्यापासून थकीत असलेले १.३ कोटींच्या मानधनाचे वाटप करण्यात आले आहे.
नागपूर जिल्ह्यात पोषण आहार शिजविण्यासाठी ३,२२७ स्वयंपाकी व मदतनीस कार्यरत आहे. त्यांना शाळेच्या पटसंख्येनुसार प्रत्येक महिन्याला १,५०० रुपये मानधन दिले जाते. परंतु हे तुटपुंजे मानधनही नियमित मिळत नाही. गेल्या जुलै व ऑॅगस्ट महिन्यांचे त्यांचे मानधन प्रलंबित होते. यासंदर्भात शिक्षण विभाग प्राथमिक यांनी वरच्या पातळीवर पाठपुरावा केल्यानंतर दोन महिन्याचे प्रलंबित १,३०,५९,२०० रुपये शासनाकडून जिल्हा परिषदेला मिळाले. अलिकडेच मानधनाच्या या निधीचे वाटप स्वयंपाकी व मदतनीस यांना करण्यात आला आहे.