चंद्रपूर : अर्थमंत्री सुधीर मुनगंटीवार यांच्या पत्नी सपना मुनगंटीवार यांची आंध्र प्रदेशातील प्रसिद्ध श्री तिरूपती बालाजी देवस्थान ट्रस्ट तिरुमलाच्या सदस्यपदी नियुक्ती झाली आहे. सपना मुनगंटीवार यांनी शुक्रवारी ट्रस्टच्या सदस्यपदाची शपथ घेतली. यावेळी त्यांचे पती महाराष्ट्राचे अर्थमंत्री सुधीर मुनगंटीवार, मुलगी डॉ. शलाका मुनगंटीवार यांच्यासह अनेक आप्त उपस्थित होते. यापूर्वी ट्रस्ट सदस्यांचे शपथविधी बाहेरील सभागृहात आयोजित होत असत. मात्र, सपना मुनगंटीवार यांचा शपथविधी श्री तिरूपती बालाजींच्या गर्भगृहात घेण्यात आल्याने हा सन्मानही त्यांना मिळाला. श्री तिरुपती बालाजी देवस्थान हे भारतातील प्रसिद्ध देवस्थान असून ही ट्रस्ट देशातील तसेच जगातील सर्वात मोठी धार्मिक विश्वस्त संस्था म्हणून प्रसिद्ध आहे. या विश्वस्त संस्थेच्या सदस्यपदी प्रथमच महाराष्ट्रातील सदस्य म्हणून सपना मुनगंटीवार यांची झालेली नियुक्ती ही झाली आहे.
तिरुमलाच्या सदस्यपदी सपना मुनगंटीवार
अर्थमंत्री सुधीर मुनगंटीवार यांच्या पत्नी सपना मुनगंटीवार यांची आंध्र प्रदेशातील प्रसिद्ध श्री तिरूपती बालाजी देवस्थान ट्रस्ट तिरुमलाच्या सदस्यपदी ...
Maharashtra Times 6 May 2018, 5:00 am