म. टा. वृत्तसेवा, चंद्रपूर
चंद्रपूर येथील कृषी उत्पन्न बाजार समितीमधील प्रसाधनगृहाशेजारच्या डबक्यात भाज्या धुतल्या जात असल्याचा हा व्हिडीओ व्हायरल झाला आहे. गाड्यावर भाजी विकणाऱ्यांचा हा व्हिडीओ असून चंद्रपूरकरांच्या आरोग्याशी खेळले जात असल्याचे यानिमित्ताने समोर आल्याने संताप व्यक्त होत आहे.
चंद्रपूर जिल्ह्यातील सर्वात मोठा भाजी बाजार म्हणजे शहरातील दाताळा मार्गावरील कृषी उत्पन्न बाजार समितीची महात्मा फुले भाजी मंडई. या भाजी बाजारात प्रवेशद्वाराजवळ सार्वजनिक प्रसाधनगृह आहे. या प्रसाधनगृहाच्या शेजारी साचलेल्या पाण्याच्या डबक्यात गाड्यावर भाजीविक्री करणारे चक्क भाज्या धुताना दिसत आहेत. शहरात हा व्हिडीओ व्हायरल झाला आहे. सध्या पावसाळयात भाज्यांना चिकटून मातीचा थर येत आहे. बाजार समितीत आवक झालेल्या भाज्या ठोक बाजारातून विकत घेतल्यावर ग्राहकांपर्यंत जाण्याआधी गाड्यावर सजवून ठेवल्या जातात.
आता ही सजावट किती घातक आहे हे स्पष्ट झाले आहे. विशेष म्हणजे, बाजार समितीच्या विविध पदाधिकाऱ्यांची याच भागातून सतत ये-जा असते. मात्र कुणीही या प्रकारावर आक्षेप घेतला नाही. दरम्यान, या संपूर्ण प्रकारावर तूर्त कृषी उत्पन्न बाजार समिती प्रशासन मात्र मौन बाळगून आहे.
चंद्रपूर येथील कृषी उत्पन्न बाजार समितीमधील प्रसाधनगृहाशेजारच्या डबक्यात भाज्या धुतल्या जात असल्याचा हा व्हिडीओ व्हायरल झाला आहे. गाड्यावर भाजी विकणाऱ्यांचा हा व्हिडीओ असून चंद्रपूरकरांच्या आरोग्याशी खेळले जात असल्याचे यानिमित्ताने समोर आल्याने संताप व्यक्त होत आहे.
चंद्रपूर जिल्ह्यातील सर्वात मोठा भाजी बाजार म्हणजे शहरातील दाताळा मार्गावरील कृषी उत्पन्न बाजार समितीची महात्मा फुले भाजी मंडई. या भाजी बाजारात प्रवेशद्वाराजवळ सार्वजनिक प्रसाधनगृह आहे. या प्रसाधनगृहाच्या शेजारी साचलेल्या पाण्याच्या डबक्यात गाड्यावर भाजीविक्री करणारे चक्क भाज्या धुताना दिसत आहेत. शहरात हा व्हिडीओ व्हायरल झाला आहे. सध्या पावसाळयात भाज्यांना चिकटून मातीचा थर येत आहे. बाजार समितीत आवक झालेल्या भाज्या ठोक बाजारातून विकत घेतल्यावर ग्राहकांपर्यंत जाण्याआधी गाड्यावर सजवून ठेवल्या जातात.
आता ही सजावट किती घातक आहे हे स्पष्ट झाले आहे. विशेष म्हणजे, बाजार समितीच्या विविध पदाधिकाऱ्यांची याच भागातून सतत ये-जा असते. मात्र कुणीही या प्रकारावर आक्षेप घेतला नाही. दरम्यान, या संपूर्ण प्रकारावर तूर्त कृषी उत्पन्न बाजार समिती प्रशासन मात्र मौन बाळगून आहे.